鮨文

营业中

休息中

其实都已经好耐之前嘅事，但一直放喺心好唔舒服，今日终于要写出嚟，话说一次我喺两星期前book左一位食Lunch，当日去到店员安排我坐bar枱正中位置，我点左Omakase lunch，坐左一阵跟住有位光头师傅行出嚟，呢位就系大厨，同其他客人倾左几句又问我系咪住元朗附近，我话我住香港仔，佢就回我一句(原来系专登嚟食嘅)我心中已经觉得呢位师傅为人有啲嚣张!当上左几件寿司后，厨房突然有电话响，原来系师傅电话响，佢就放底手头工作去听电话，大约一分钟左右佢就返嚟继续握寿司，其实个人觉得寿司饭同鱼生都唔错，再过一阵师傅电话又响，咁佢又去听电话，但今次佢系手中握住旧寿司饭去听电话!听完电话返嚟就好自然咁将刚才手中嘅寿司饭掉番入个饭桶入面再攞一旧饭出嚟继续握!唔系呱!咁都得，我比几百蚊嚟食lunch睇你个光头仔咁样玩法!你真系完全侮辱左香港厨师，侮辱左Omakase，首先你作为一个专业厨师为客人服务嘅时候无理由整紧嘢食会一听到电话响就即刻去听，你可以较静音或者其他同事帮你听，第二客人嚟食Omakase除左希望食到美味嘅食物外就系想欣赏厨师嘅功架，唔系嚟睇你讲电话更加唔系睇你握住旧饭听完电话又掉番落饭桶