鮨見 (已結業)

今日同女朋友过来食omakase，提前几日book左。舖头感觉好有日本feel, 音乐都系日本旧曲，好似左日本咁嘅款。日式必有的前菜，系青瓜 新鲜虾同海带，酸酸甜甜确实好开胃。茶碗蒸都必不可少，入面有菇有海鲜，d蛋好嫩滑。跟住就系刺身料理，秋刀鱼系成条咁上，鱼肉切得好厚，搭配特定酱料，非一般味道。蟹柳整成花咁嘅款，几好睇。番茄仔入面有拖罗蓉，搭配好新颖。寿司都好正！最正系大拖罗包裹住海胆，一口一啖超级美味。师傅将生蚝寿司摆到我手中，好特别的食法，会有少少手心的余温。海胆杯真系冇得输，入面系饭，搭配海胆一齐食，正!..甜品好味。