影片
更多
2023-10-03
4 浏览
衬长假期去启德行新商场，出发前就黎九龙城揾好西食。今次就拣左一间日式居酒屋礼，一入到去播住轻快的日文歌曲，周围都系日式摆设，彷佛好似置身系日本当中。黎到居酒屋，最开心就系有好多款式拣，基本上一定满足到你需要。今次就差唔多拣晒呢度的特式黎为大家报告一下:<胡麻蕃茄沙律>食串烧或炸物叫沙律系必要，因为可以令你refresh一下，呢度的蕃茄个Size够大，而且好细心地剥左皮，食落去唔会鞋口有渣。<蟹羔玉子烧>上枱一刻望到已经觉得吸引，玉子上枱时热辣辣，而蟹羔多到泻出黎，蛋香与蟹羔酱融和一体，味道浓郁。另外上面舖左鱼子，增加口感!<清酒煮蚬>首先呢度系用大蚬，所以特别多肉挂汤，仲要有十几只好足料。不过最有惊喜系个汤，清酒加昆布同铿鱼令到汤底份外清甜，忍唔住要饮多几啖。<唐扬炸鸡>呢度用有骨的鸡块，其实食炸鸡究竟拣无骨定有骨，相信大家会有唔同意见。不过我其实偏好有骨，因为通常无骨的肉质会比较鞋。而礼的炸鸡外皮够薄而炸得香脆，鸡肉保持嫰滑多汁，处理得唔错。<串烧>串烧方面，最有惊喜系<青森青提豚肉卷>、
黎到居酒屋，最开心就系有好多款式拣，基本上一定满足到你需要。今次就差唔多拣晒呢度的特式黎为大家报告一下:
<胡麻蕃茄沙律>
食串烧或炸物叫沙律系必要，因为可以令你refresh一下，呢度的蕃茄个Size够大，而且好细心地剥左皮，食落去唔会鞋口有渣。
<蟹羔玉子烧>
上枱一刻望到已经觉得吸引，玉子上枱时热辣辣，而蟹羔多到泻出黎，蛋香与蟹羔酱融和一体，味道浓郁。另外上面舖左鱼子，增加口感!
<清酒煮蚬>
首先呢度系用大蚬，所以特别多肉挂汤，仲要有十几只好足料。不过最有惊喜系个汤，清酒加昆布同铿鱼令到汤底份外清甜，忍唔住要饮多几啖。
<唐扬炸鸡>
呢度用有骨的鸡块，其实食炸鸡究竟拣无骨定有骨，相信大家会有唔同意见。不过我其实偏好有骨，因为通常无骨的肉质会比较鞋。而礼的炸鸡外皮够薄而炸得香脆，鸡肉保持嫰滑多汁，处理得唔错。
<串烧>
串烧方面，最有惊喜系<青森青提豚肉卷>、<富士苹果烟肉卷>同埋<妈妈咸蛋猪肉棒>，用上日本生果系最大特点，平时食生果加肉类的配搭，好多时个伏位系生果唔够甜，但礼用上日本生果，当中的鲜甜能够做到提升烧肉的味道，另外亦有解腻作用。而呢度的内脏串烧，例如鸡心、鸡肾等都有特色，平时会用上七味粉，但呢度用左山椒粉，所以会有椒麻的感觉。最后，免治鸡肉棒平时未必可以沾满酱，但呢度好细心，酱油蛋汁放系个细盘到，可以完美地沾满蛋汁。
一间餐厅无论做咩款式都好，食物有质素当然系必要，另外就系要有自家特式菜，令人记得呢间店。礼居酒屋无论用料、食物质素都上乘，加埋有唔少特色菜式同埋和风氛围，值得推介俾大家!
张贴
