花宵 (已結業)

同朋友去开铜锣湾食嘢，听讲呢度有间几好食嘅日本餐厅，决定黎试试。叫咗个红酒醋冻蕃茄开开肠胃，酸酸甜甜，而且蕃茄营养丰富，作为starter唔错。跟住叫咗个芝麻鸡翼，松脆咸香足够， 热辣辣， 唔错！ 配啤酒一流。叫咗个鲍鱼配有甜甜嘅烧汁，欣赏佢将鲍鱼切片方便同朋友分享。鲍鱼够弹牙，色泽亦都靓。食完鲍鱼，终于上我哋嘅主菜，寿司拼盘。总共有12旧共六款。用料高质，摆盘精致。 分别有拖罗， 深海池鱼，油甘鱼腩，炙烧左口鱼，三文鱼子赤虾同带子。 所有寿司都非常推介。，鱼油味重，寿司饭拿捏得恰到好处，唔会太酸，而且饭粒粒粒分明，但系又唔会太够。好似食紧日式omakase 咁。呢个寿司令到我回味无穷。食完寿司叫咗度炸物，炸池鱼仔调味啱啱好，识落口感香脆，但系又唔会过分油腻。最后叫咗个焦糖菠萝作为甜品。菠萝香甜多汁为呢一餐画上完美嘅句号。