原野日本料理

营业中

休息中

六点半就到左，间店一个客人都未有。以前读书的时候都有食过原野，对原野的印象就系平民化的日本野。入到去，格局同以前一样，只系墙上的涂鸦比以前更多烟三文鱼蟹子沙律：个ｓｅｔ系朋友叫的，我只系试左ｓｅｔ入面的烟三文鱼蟹子沙律跟据店方提供的热门排行榜，烟三文鱼蟹子沙律排名第十一位。份量唔少，蟹子都几多。但食唔到有三文鱼，除左蟹子，只系食到蟹柳丝同沙律酱。芝麻酱焗乌冬：热门排行榜位居第一名。因为焗过，热腾腾的乌冬一上枱，就香气四溢。加上，本人都几钟意食芝麻酱，必食不过，其实制作成本好低，但细细份已经卖＄３０，感觉唔化算。钖纸蒜蓉焗茄子：平时食的焗茄子都系干身的，但原野的焗茄子系湿的。而且，蒜蓉够多，所以好香，但几油腻烧软骨饺子：如果要为「油腻」呢两个字打分数，蒜蓉焗茄子系两分，呢个烧软骨饺子我会比八分，食左一只已经唔想再食。鸡泡鱼干：热门排行榜上完全冇排名，但其实香口的鸡泡鱼干，系同朋友吹水时作为小食，真系唔错。现在的原野，食物虽不如从前，但都仲算系一间抵食的日本野。