影片
更多
2017-06-25
1126 浏览
是日同一班朋友嚟午餐。食物水准系唔错的，不过发生咗件事，大大影响对呢间铺嘅印象。详细可以睇最下面。午餐包餐汤同主菜，是日餐汤系甘荀汤，打得几creamy，但唔够热。主菜叫咗红酒汁鸭胸配意粉。估唔到$53有咁大件鸭胸煎得几香，不过个意粉煮得有Ｄ油，早知配饭啦。另外加咗杯热即磨咖啡，+$8。杯啡就差D喇，细杯到好似espresso咁，而且奶唔系自己落，佢落咗好多奶，成杯啡得返奶味。唔值得俾多$8加杯咖啡。好喇，讲完食物，讲吓服务。有个好似系老板、鬼鬼地嘅男子，服务唔错嘅。不过…话说我地有几个朋友分别外游完，饮完汤，主菜未嚟，咪分吓手信啰。全部系独立包装嘅零食。分完我地放住Ｄ手信系枱面先，但掂都冇掂过，莫讲话食。然后有个身型颇胖嘅女店员行埋嚟，指住枱上嘅零食，语气麻麻咁话我地唔准食外来食物！哗，咩事呀，放系度冇掂过都老屈我地食？我地即刻话「分手信啫，完全冇食过，亦冇打算而家食」佢仲兜话「提醒吓啫。」即系咁，我去过唔少餐厅度聚会，当中都有分发手信环节，但今次系第一次遇到咁嘅事。仲要俾人老屈。好有趣。我地废事个肥店员再阿支阿左，唯有收返埋Ｄ零食先。奉劝大家，如果买咗咩零食或者买完𩠌，再嚟呢间铺，
食物水准系唔错的，不过发生咗件事，大大影响对呢间铺嘅印象。
详细可以睇最下面。
午餐包餐汤同主菜，
是日餐汤系甘荀汤，打得几creamy，但唔够热。
主菜叫咗红酒汁鸭胸配意粉。
估唔到$53有咁大件鸭胸
煎得几香，不过个意粉煮得有Ｄ油，早知配饭啦。
另外加咗杯热即磨咖啡，+$8。
杯啡就差D喇，细杯到好似espresso咁，
而且奶唔系自己落，佢落咗好多奶，成杯啡得返奶味。
唔值得俾多$8加杯咖啡。
好喇，讲完食物，讲吓服务。
有个好似系老板、鬼鬼地嘅男子，服务唔错嘅。不过…
话说我地有几个朋友分别外游完，
饮完汤，主菜未嚟，咪分吓手信啰。全部系独立包装嘅零食。
分完我地放住Ｄ手信系枱面先，但掂都冇掂过，莫讲话食。
然后有个身型颇胖嘅女店员行埋嚟，指住枱上嘅零食，
语气麻麻咁话我地唔准食外来食物！
哗，咩事呀，放系度冇掂过都老屈我地食？
我地即刻话「分手信啫，完全冇食过，亦冇打算而家食」
佢仲兜话「提醒吓啫。」
即系咁，我去过唔少餐厅度聚会，当中都有分发手信环节，
但今次系第一次遇到咁嘅事。仲要俾人老屈。好有趣。
我地废事个肥店员再阿支阿左，唯有收返埋Ｄ零食先。
奉劝大家，如果买咗咩零食或者买完𩠌，再嚟呢间铺，
千其千其唔好放上枱面呀，会俾人老屈你食外来食物架！！
张贴