鈴木珈啡館 (已結業)

平安夜当日公司有得早放，放工就出左旺角行街睇戏，想食个晏但成个food court都劲多人等位，于是上左上层嘅铃木咖啡厅食，唔使排队就有位，侍应仲几有礼貌。叫左两份set lunch，先来个甘笋忌廉汤，几新款，有甘笋味不过无忌廉味，好杰身，我个人比较喜欢一般的白汤，而友人完全不喜欢此汤的味道和口感，最后被我ko了两碗。温泉蛋肉酱意粉，上面有四条芝士干……不过无芝味，我想佢地系装饰用？不过唔见得有美感。肉酱又系好一般，茄膏味，有点酸，同只蛋有啲唔夹，意粉韧度就唔错。温泉蛋卡邦尼烟肉洋葱意粉，蛋汁捞埋卡邦尼汁几夹，好香蛋味，不过汁略欷未能挂在意粉上，烟肉配洋葱基本上系稳阵组合，都唔会难食。是日餐饮系甘笋萍果汁，甘笋容好有口感，但味道一般，打著健康名号还是把它喝完。整餐未能留下太大印象，唯环境几好，好静高楼底，侍应基本上落完单就唔会再出现烦你，倾下计都系一个选择。