Italian Tomato Café (MOSTown新港城中心) (已搬遷) 新店位置

开左一段时间,都未有机会黎试,呢晚睇戏前有D时间,近近地呢度食啦!其实佢有空枱架,不过D人做野好慢呀,出得菜黎又执唔切野...所以足足等左15分钟,有D不满!睇睇餐牌,我同女朋友都系拣左虾芝士意大利饭!不过黎呢度点都要试下佢D cake,所以一人都叫左一件!先黎左餐汤同蒜容包~卖相唔错,汤唔似系平时普通忌廉汤,几好饮,点下蒜容包唔错!竟然正餐未黎,黎左cake先,会唔会食唔落饭架@@我当然系点朱古力CAKE啦!大大件几靓,外表都几吸引!分左几层,有CAKE有CREAM有朱古力,口感唔错!几钟意食,我越食越快...正价系有少少贵ge,间中食下都OK!女朋友果个系咩绿茶红豆,几特别几好味如非如我般朱古力爱好者建议可以试下其他味!之后主菜终于到啦!虾芝士意大利饭!佢D虾都唔算细只,一共3只自己都几钟意食意大利饭,黏黏地口感唔错!呢个都系,加埋有D芝士其实都几好食,不过就好似单调左少少,好似只系食紧饭咁!如果佢有多少少味或配料应该更吸引!不过呢个饭都够饱架啦!下次经过有机会再试,希望服务同食物款式有所进步!