Manecy's Studio Restaurant (已結業)

其实之前已经到过依一间餐厅食饭，不过依家换咗招牌，咁就去试吓有乜分别。门面装修左，简洁左好多.餐牌改变左，多咗其他主菜，不过最出名嘅咸猪手依然留咗菜单入面。不过我今次就唔食咸猪手啦见到有几个新菜，当然要试吓先！呢一个笼中鸟，一上菜𠮶时真系好特别，所有人都攞住佢影相，吸睛率相当高，只鸡都唔细，味道都OK不过佢卖相已经赢咗！慢煮三文鱼扒，肉质冇鞋皮，可能系慢煮嘅关系所以肉质熟先可以咁鲜嫩，伴菜嘅薯蓉都几好食。炭烧烟熏猪肋条，酱汁同烟熏味道几好，呢个系新菜式烤乳猪，之前都食过，水准保持到肉质都几鲜嫩。最后就系西班牙海鲜饭，用料好似多咗好多，价钱仲平左少少，一样保持水准。最后一个甜品，个造型都相当搞笑，好似食泥咁样，味道就一般啦，不过造型取胜。不过服务方面就好似有啲问题，其他侍应都Ok，就系特别有一个肥仔，唔著制服，T恤短裤，又唔剃胡，咁行来行去，唔知佢系老板定睇场，不过做西餐唔系茶餐厅，形象同服务都好紧要！