MX (中華總商會大廈) (已結業)

我不时都会帮衬MX，觉得佢比起n年前既美心快餐进步左唔少，而焗猪扒饭一向都系我既晚餐考虑之列之一。见到地铁既很大唷焗猪扒饭广告，觉得呢个猪扒饭都几有gimmick既，所以揾日午餐就去买外卖试试啦！原来MX同一时间都供应正常版既焗猪扒饭外卖，如果要很大唷的话，就要上楼上点餐了。（如果有黎开呢间既中环仔女都应该知道楼上楼下既餐牌永远都唔一样，有时就算买外卖都要上楼上，好奇怪。）一揭开张铁盖，即刻睇睇块猪扒系咪真系好大块。哗！原来真系有成吋几厚，系超级厚！虽然大细同平时食开既无乜分别，但口感真系正好多。猪扒厚左，相对黎讲饭真系少左Ｄ，岩哂我呢Ｄ钟意食肉唔钟意食饭既人喇。同平时一样都系有几片菠萝同蓄茄，唔钟意食酸既就有缘无份了。四十几蚊，用埋报纸减五蚊优惠（系师奶呀，唔得咩？）三十几蚊有咁既猪扒质素，真系抵食既。