Cafe Whale

营业中

休息中

这是一家很有诚意的Burger店，由味道、食物质素以至酱汁配搭均令人留下深刻印象。先讲这个鞍格斯牛肉Burger，入面的鞍格斯牛肉有烧烤的香味，外层带有少少㶶，做出炭烧的感觉(估计不是真的用炭烧，因为好像环保条例有所限制)。接著是这个墨鱼Burger，本人非常欣赏入面的吉列墨鱼扒，还专登要影幅相。此吉列墨鱼扒并非一般的炸墨鱼饼咁简单，好有弹性，厚身得黎入面仲有墨鱼粗粒，所以入口的口感特别好𡁻，佢呢个包系配芥末蛋黄酱，同件吉列墨鱼好夹。最后就系呢个炸鱼薯条，佢嘅炸鱼唔系用一般鱼柳，而系用黄花鱼，件黄花鱼柳虽然系炸咗，不过都觉得几新鲜，另外佢仲配埋五柳黄花的五柳汁，仲要有埋D木瓜丝青瓜丝(好似叫拾锦菜)，用黎点黄花真系好正。