101台式休閒餐廳 (千色匯) (已結業)

呢间餐厅既野食我觉得几抵食，一来价格唔贵，二来份量激多。我叫左蕃茄汤，加$2转手工面，沙茶牛肉几好，沙茶味都好出，蕃茄汤底个味道同出面好唔同，一来佢无乜味精，二来有红枣，有杞子，会带些少药材既味道，感觉佢系真材实料啲，养生啲，而我加钱转既手工面系劲出色，好有咬口，好烟韧，我好钟意，佢面量超多，系普通面舖双倍！我比较大食，都系刚刚好食晒。三杯鸡好入味，份量亦好足够，药膳汤底味道唔算好浓，刚好，米线好滑，煮到刚刚好既质感，两个𩠌既米线只系 $45，抵食。饮品要左芋香胚芽奶茶，大杯，基本上如果饮晒既话一定会饱，芋香虽然好明显系味粉冲出黎，但系整体都唔差，都几好饮既。