老掌櫃東北菜館 (已搬遷) 新店位置

搬进大角咀呢个社区都已经好一段日子了，但每次经过呢间小店总系俾佢长长既人龙吓怕，见到门口果句「如等超过十五分钟就免费送高力豆沙」就已经知道呢度一定好受欢迎，无返一头半个钟既耐性的话都唔驶旨意入到去。是日难得早放工，六点松D就已经去到门口。可能因为时间较早既关系，餐厅只系半满，order左既食物唔驶太耐就已经上枱。糖醋里脊︰排骨酸酸甜甜咁非常特别。排骨切到非常之细件，好似一口牛咁既size非常容易入口，再加埋薯仔、波萝同埋洋葱等等既配菜令到佢「酸mei mei」既感觉非常突出。麻辣墨鱼头︰非常特别既一道菜。本来想简简单单就咁叫麻辣墨鱼就算，但谂唔到原来「墨鱼头」系咁爽口既。麻辣既酱汁同一般连锁式餐厅食到既差唔多，唯一要赞既系「麻」既感觉，真系要将食物放入口「一小阵」先至感受到，唔似得平时食开果D工场制作既产品咁一味只系得个辣字。摆埋青瓜落去一齐食更加可以中和下辣既感觉，超正！白菜猪肉饺︰因为个人好怕韮菜果阵味，所以要左白菜猪肉instead。因为捞左白菜，入口既感觉非常之爽口，而肥猪肉既portion都啱啱好，带出爽口既感觉之余亦唔觉得只系想cut cost起势咁用！排骨担担面︰抵到烂！