影片
更多
2023-08-30
468 浏览
前言果日中午响青衣有野要做，去到青衣揾下野食。眼见青衣城一期鬼死咁多人，就四周去下睇下有咩少人尐嘅地方，揾揾下居然发现青衣城二期静蝇蝇，就是但揾间餐厅食。上海嘅小笼包就成日食，上海嘅生煎包作为卖点就小见。而且间店个名都好吸引我——坚信号……「到底信紧尐咩野呢？」「到底有几咁坚呢？」间店就中午十二点先开嘅，有位店员就叫我先系出面等住先，都几有礼貌。(当然我认为更好嘅选择系叫我入去坐住先，咁样我就唔洗系出面企。)入到去点餐系用手机点餐，(而加新开好多店都系用手机点餐，真系个上网慢小小，又或者系阿公阿婆黎食，唔识用手机点就麻烦了，不过呢个系趋势黎都无计)但我其实系更加钟意用手机点，因为唔洗好似有个人望住你咁，无咩压力点餐呢间店我叫左个「早鸟优惠」嘅猪排饭，加左杯豆奶，同生煎包通常系商场食都预左至少70-80无走鸡，但点知呢度叫个饭都系50几，而且佢个「早鸟优惠」嘅餐点好似平过正常果个20蚊咁我紧系无执输，就叫左个三十几蚊嘅饭，不过其实佢正常价我都会觉得合理，我用呢个价会觉得真系抵左好多等紧尐野食嘅时间，坐系间店度我觉得就几好坐，都算大地方同够干净之但系实在太光，虽然我无影到相，但其实佢上面又
果日中午响青衣有野要做，去到青衣揾下野食。
眼见青衣城一期鬼死咁多人，就四周去下睇下有咩少人尐嘅地方，揾揾下居然发现青衣城二期静蝇蝇，就是但揾间餐厅食。
上海嘅小笼包就成日食，上海嘅生煎包作为卖点就小见。
而且间店个名都好吸引我——坚信号……「到底信紧尐咩野呢？」「到底有几咁坚呢？」
间店就中午十二点先开嘅，有位店员就叫我先系出面等住先，都几有礼貌。(当然我认为更好嘅选择系叫我入去坐住先，咁样我就唔洗系出面企。)
入到去点餐系用手机点餐，(而加新开好多店都系用手机点餐，真系个上网慢小小，又或者系阿公阿婆黎食，唔识用手机点就麻烦了，不过呢个系趋势黎都无计)
但我其实系更加钟意用手机点，因为唔洗好似有个人望住你咁，无咩压力
点餐
呢间店我叫左个「早鸟优惠」嘅猪排饭，加左杯豆奶，同生煎包
通常系商场食都预左至少70-80无走鸡，但点知呢度叫个饭都系50几，而且佢个「早鸟优惠」嘅餐点好似平过正常果个20蚊
咁我紧系无执输，就叫左个三十几蚊嘅饭，不过其实佢正常价我都会觉得合理，我用呢个价会觉得真系抵左好多
等紧尐野食嘅时间，坐系间店度我觉得就几好坐，都算大地方同够干净
之但系实在太光，虽然我无影到相，但其实佢上面又有灯，下面又有灯，就好似去左食晚市咁
我果阵系食紧中午，就咁样会令我个人无咁轻松
同一时间，佢系播紧一D较为轻松嘅音乐，本身好正正，但系突然之间佢会无拿拿播一段，佢自己间店嘅主题曲！
(尐歌词好尴尬癌，请自行上网听，同埋首歌有解释到点样坚信……哈哈哈)
首歌会插播系，明明播紧一尐好柔和嘅音乐之间……系真系好突兀，但系佢突兀得黎又好鬼搞笑，都已经去到好cult果种感觉
上菜
(图一：野饮)
好正常嘅豆浆，豆味个人认为唔浓。入面嘅仙草好Q滑
(图二：生煎包——真主角)
呢个其实系主角黎，佢咬落去其实系会爆汁，而且尐汁系好鬼热即使系店员有提醒我小心热，但系我见佢个表面层皮唔系好热都一口咬落去，结果系尐汁爆出黎，落左去个碟度
所以第一个包我食系几乎无连埋果汤汁黎食，食落去真系生煎包咁样，而且佢个底系好脆好正，个味就同普通生煎包差唔多
第二个包我等左阵先食，有连埋尐汁食。系真系几好食嘅
虽然佢个味都仲系生煎包咁，但系因为有汤汁，食落去唔会好似生煎包咁干，好好食
(图三至五：饭)
炸得又脆又多汁，望落已很正的猪排
个饭同生煎包比系差小小，不过都好食嘅，个饭够大，煮得好食，尐猪排够香够脆而且有肉汁尐猪排比较上清淡尐，我自己会比较钟意呢种调味
结论
整体好食，尤其系生煎包系好好食。
又好坐，店员有礼，不过佢播果首歌太洗脑，系食饭嘅过程不停播仲要好大声，听首果几次都有趣，之后只系觉得好烦厌
张贴
