功德林上海素食 (世貿中心) (已結業)

经Open Rice入功德林网页购买咗上海素食午宴二人套餐卷，原价$396 现售$198, 网上订购非常方便！好喜欢呢度啲紫菜花生好好味，呢个素食套餐每样食物份量不算多，但都好饱肚！点心两款：蒸素饺两件，煎锅贴两件，素饺好清淡，锅贴唔肥腻，两様都好味！前菜系上海烤夫拼鸡丝粉皮，有花生酱，绿豆同埋少少生菜伴碟，唔错！主菜有三款，有宫保鸡丁，因为我哋唔食辣，所以要求唔要辣改酱爆鸡丁，餐厅冇问题，酱爆鸡丁一啲都唔辣非常好味，主菜仲有杞子上汤时菜，杞子都多但菜就比较少，如果份量多少少就好啦！最后的主菜系咸菜肉饭，好清淡好好味！最后甜品系姜茶汤圆每位两粒，好重姜味非常辣😖，因为太辣所以叫咗可乐饮! 总括嚟讲呢个套餐非常抵食同好食，大家有兴趣嘅就经Open Rice定讲啦！