順德公漁村河鮮酒家

营业中

休息中

一行幾人來試試這個河鮮晚餐，這裏裝修唔算新淨，絕對有十幾廿年老店嘅痕跡，地方非常寬敞枱與枱中間都有適當嘅空間，先來一個天麻雞湯使唔使咁多份量，飲咗一細碗唔到兩分鐘已經開始出汗，大熱天時飲啲咁嘅嘢係咪玩呀，係咪太多補品定係我個人太虛，隔咗一輪最多都係飲多半碗唔敢再飲得多，到最後係仲有一半冇人飲，呢一味污糟雞，好滑個汁好特別，佢其實係有加到榨菜，好餸飯嘅餸脆皮咕嚕肉，正正常常不過不失。出面仲有好多海鮮不過我哋就冇食喇食完之後仲去咗夜繽紛行夜市不過得過十幾檔，但係都幾有台灣士林夜市嘅感覺。