影片
更多
2018-02-20
2402 浏览
过去几年间，一班亲友搞啲做节饭都喺离唔开长沙湾区嘅连锁酒家，如「百乐门」、「稻香」，一来价钱吸引，二来水准衰极都有个谱，有时仲偶有惊喜，况且我呢班表哥表姐亲戚对饮食要求唔高。晌附近新落成嘅私楼，楼下商场开咗间新酒家「百汇轩」（其实开咗都有半年），今年嘅团年饭就一于晌度搞。因为酒家占二楼全层，所以，搭扶手电梯上两层，一上到去就喺酒家范围，没有特别嘅门面。讲明新开，环境就自然比较新簇，个大堂认真富丽堂皇，多盏大型水晶灯吊饰份外吸晴抢眼。一如其他酒楼，年夜饭有多款全包宴供选择，其中一张单张喺平价及中价嘅选择，我哋就当然拣前者啦，「鸿运好事全包宴」，提早落订价只喺$2,398，包茶芥连加一服务费，汽水或啤酒12罐，我哋一行26人，大人占多数，每围13人都一样够食。而且，今次大家都就到时间，拣食头轮6:00pm，招呼好啲之余，出菜又无咁乱。鸿运乳猪全体年夜饭啲菜式其实嚟嚟去去差唔多，大同小异。打头阵喺乳猪全体，比起乳猪烧味拼盘高级少少啦，不过，小弟就钟意后者多啲架，因为多啲嘢食拣吖嘛。而啲乳猪烧得约好，外皮脆卜卜，皮下脂方唔多。上汤焗大虾球（伊面底）啲大虾够大只又爽口，其实好哋哋嘅大虾球，搞乜鬼
有时仲偶有惊喜，况且我呢班表哥表姐亲戚对饮食要求唔高。晌附近新落成嘅私楼，楼下商场开咗间新酒家「百汇轩」（其实开咗都有半年），今年嘅团年饭就一于晌度搞。
因为酒家占二楼全层，所以，搭扶手电梯上两层，一上到去就喺酒家范围，没有特别嘅门面。
讲明新开，环境就自然比较新簇，个大堂认真富丽堂皇，多盏大型水晶灯吊饰份外吸晴抢眼。
一如其他酒楼，年夜饭有多款全包宴供选择，其中一张单张喺平价及中价嘅选择，我哋就当然拣前者啦，「鸿运好事全包宴」，提早落订价只喺$2,398，包茶芥连加一服务费，汽水或啤酒12罐，我哋一行26人，大人占多数，每围13人都一样够食。而且，今次大家都就到时间，拣食头轮6:00pm，招呼好啲之余，出菜又无咁乱。
鸿运乳猪全体年夜饭啲菜式其实嚟嚟去去差唔多，大同小异。打头阵喺乳猪全体，比起乳猪烧味拼盘高级少少啦，不过，小弟就钟意后者多啲架，因为多啲嘢食拣吖嘛。而啲乳猪烧得约好，外皮脆卜卜，皮下脂方唔多。
上汤焗大虾球（伊面底）啲大虾够大只又爽口，其实好哋哋嘅大虾球，搞乜鬼沾粉浆油泡，问题喺做得唔算好，粉浆厚。啲伊面以上汤煮，虽然唔喺芝士焗，但够味又唔太腍。
翠玉美果双蚌片菜名就改得够晒靓，喺典型嘅乜蚌物蚌菜式。珊瑚蚌配象拔蚌，两款蚌都炒得爽口，再加入大量翠玉瓜、蜜糖豆及腰果，翠玉瓜、蜜糖豆保持脆口，腰果又脆，简单好食。
金丝海皇沙律卷每条沙律卷炸得金黄均匀，份入口酥脆，不过，外皮太厚，话就话「海皇」，但食嚟食去都喺啲粟米粒、西芹粒、甘笋粒，海鲜粒欠奉。
竹笙花胶烩生翅保持住「无翅之徒」个名，所以，去到烩生翅一环，相就影咗喇，食就无我份，益埋啲表姨甥。不过，大家都觉得啲翅做啲唔错，口感啱啱好，而且，竹笙、花胶落得十足无手软，喺啲翅就明显少好多。
发财好市大利吉利嘅菜式又点少得吖，小弟就唔迷信嘅，最紧要做得好食。够晒碟头，有发菜、生菜、蚝豉及牛脷，样样都所谓好意头，而质素又真喺不俗，蚝豉肥大有蚝味，牛脷烟韧有咬口，难得摆盘无马虎，一件蚝豉叠一件牛脷。
发财好市大利
43 浏览
0 赞好
0 留言
清蒸生猛海斑只喺讲生猛海斑，就无讲咩斑，但睇呎吋应有3斤几重，却喺蒸得刚好，无熟唔透嘅情况，肉质细嫩，有鱼嘅鲜甜味。食鱼鲜，几时都哋食蒸嘅睇得出师傅嘅功力及鱼嘅质素。
清蒸生猛海斑
39 浏览
0 赞好
0 留言
近尾声，又喺啲烧鸡登场，其实我都好佩服啲师傅架，斩完只鸡砌番好晒，虽然所谓工多艺熟，但自己都试过，都唔喺讲咁易。只鸡食落皮脆肉滑，入口唔会太油，沾点特制酱油，更香浓惹味。
腊味糯米饭依家无乜酒楼做生炒，嘥时间吖嘛，但就算唔生炒都可以做得好食。眼前嘅糯米饭口感饭粒分明，咬落烟糯，而且，沾满腊味嘅油香，有啲水准㖞。
佳节蟠桃啲蟠桃寿包就有啲迤喇，通常做得靓仔啲似蟠桃，都会染番一抹红色，一笼12个寿包，「整色整水」就明显「求其」咗；再者，皮厚莲蓉少，食咗半个先见丁点莲蓉咋，咸蛋黄亦唔多。
合时鲜果过年嘅，就梗喺意头嘢，潮州柑有「黄金」满屋之意，好唔好食都喺其次，当然，意义大过实际啦。再者，一个个柑，好过生果盘，食唔晒方便大家拎走。
今晚亲友拣嘅新场，小弟对其印象几好，招呼又算周到，下次嘅做节饭，拣番呢度我都赞成，相信后会实有期。
张贴
