嚐館 (已搬遷) 新店位置

友人早前食过，推介朋友聚会黎食。一行四人七半到达，九成满。好在有订位。虾多士及墨鱼油炸鬼：招牌菜之一，虾多士够脆够鲜，食落去冇一啖油。墨鱼油炸鬼，墨鱼滑好爽，油炸鬼有d硬。相对之下比较喜欢虾多士。炸猪手配秘制酱汁：猪手好脆，仲好体贴咁切哂，赞！秘制酱汁冇得顶，甜甜地，好惹味！蒜蓉粉丝蒸带子：带子鲜甜，蒸得唔干，最好味系粉丝，索哂d汁加埋蒜蓉一齐食，正！豉椒炒蚬：蚬冇沙，味道ok，冇咩特别。烧鸡：正确菜名唔记得，皮脆肉滑。啫啫通菜煲：味偏浓，但惹味。呢度地方唔算好大，建议先订位。服务非常好。