東京築地拉麵 (已結業)

有事做黎到加拿芬广场，顺便黎呢度食埋野，见呢度有几间食店，就拣左食拉面。上到二楼，都已经三点几，但茶木多人等到痴线，相返隔离嘅筑地就静过乜，见店员大叫日文，都好似ok咁，就算啦试下佢。黄金浓厚豚骨汤叉烧拉面 $65卖相几好，汤真系几浓，但啲味麻麻，好味精feel…配料只有数条木耳丝，三条荀同两条豆芽。叉烧十分淋，一夹粉碎，味道无乜。味付蛋半只，又系无乜味，同冻嘅。拉面系黄色个种，好大阵碱水味，唔like。赤神浓厚豚骨汤叉烧拉面 $68友人叫嘅赤神，味道基本上同上，配料落得更姑寒。汤完全唔掂，喺猪骨汤上加左辣油，但一啲都沟唔埋，个只辣味同某牌子嘅辣椒油分别不大，好失望。除左放低两杯迷理嘅热麦茶同落单，都无见过个侍应，想加茶都揾唔到人，咁都要加一，真系唔知服务左去边。