築間酸菜魚

酸菜鱼就食得多，不过一般都系响川菜餐厅食，无意中响网上见到有台式酸菜鱼呢样嘢，已经觉得好有新鲜感好想试吓，唔知同平时食开大陆𠮶啲有咩分别呢？今日就抱住呢个好奇心同老公嚟咗试~ 餐厅座位都几阔落，加上因为我哋系平日晚上去，就算两个人都有大卡位坐~ 一坐低我哋就行去拎野饮𠮶个位，其实同太x酸菜鱼非常相似，嘢饮嘅选择都一样，酸菜鱼嘅味道其实都差唔多，不过最优胜嘅地方系呢度选择多好多! 除咗酸菜鱼之外仲有其他汤底嘅鱼，今次叫咗个虾汤鱼，海鲜超足料之余味道鲜美，沙白食得出好新鲜好甜最正嘅系就算同行嘅人唔食酸菜鱼都可以一人一碗唔同味咁样叫，可以一个人食唔一定要同人share，平时打工仔食晏如果冇人陪，都有多一个选择~ 我都好开心终于唔使等到一定有人陪先可以食酸菜鱼，总括嚟讲虽然价钱唔算平，但系可以一个人食同埋海鲜高质，都值回票价