影片
更多
2019-10-31
3202 浏览
个个都话北京楼好食，就连我个外国返嚟嘅朋友都听过呢个名，所以今日佢约我出嚟饮茶就选择咗去葵芳嘅北京楼试吓佢系咪真系咁好食，不过我觉得都只系普普通通一般货色。。。其实呢间野都几隐蔽，要去新都会广场上到5楼再穿过空中花园平台先揾到。。唔系好就脚。属于贵价菜，普普通通整个菜肉水饺都要七八十蚊，相比起其他茶楼两个大点都唔使呢个价钱。。。点心收费都可以接受，不过主要考虑因素系食物素质。坐低开完茶先就会送上开胃菜，唔使讲就梗系收钱㗎啦，$20碟，有啲酸菜青瓜豆卜花生，系就系几好食，不过夹埋一齐食就唔系好夹...酸菜味浓，青瓜清淡，虽则都系好爽脆，但夹埋一齐食就有种互不相干嘅感觉🧐我都唔系好识形容总之就怪怪地菠萝叉烧包，送上枱嘅时候都仲热辣辣㗎，菠萝皮脆，包都好软熟，不过味道偏甜。。叉烧馅比例好少，叉烧肉质鞋口而且唔香叉烧味，馅料味道都系偏甜，整体感觉就系得个甜字。反而呢个沙律明虾角就唔错嘅，不过我认为可以玩一个器皿去present,呢只碟明明可以装到四粒，你就揾个位去放沙律酱，感觉上不太presentable ，话晒都$35啦⋯⋯不过味道唔差嘅，鲜虾爽甜仲有汁，热辣辣劲脆口即叫即炸，皮唔会太厚，唔
其实呢间野都几隐蔽，要去新都会广场上到5楼再穿过空中花园平台先揾到。。唔系好就脚。
属于贵价菜，普普通通整个菜肉水饺都要七八十蚊，相比起其他茶楼两个大点都唔使呢个价钱。。。
点心收费都可以接受，不过主要考虑因素系食物素质。
坐低开完茶先就会送上开胃菜，唔使讲就梗系收钱㗎啦，$20碟，有啲酸菜青瓜豆卜花生，系就系几好食，不过夹埋一齐食就唔系好夹...酸菜味浓，青瓜清淡，虽则都系好爽脆，但夹埋一齐食就有种互不相干嘅感觉🧐我都唔系好识形容总之就怪怪地
菠萝叉烧包，送上枱嘅时候都仲热辣辣㗎，菠萝皮脆，包都好软熟，不过味道偏甜。。
叉烧馅比例好少，叉烧肉质鞋口而且唔香叉烧味，馅料味道都系偏甜，整体感觉就系得个甜字。
反而呢个沙律明虾角就唔错嘅，不过我认为可以玩一个器皿去present,呢只碟明明可以装到四粒，你就揾个位去放沙律酱，感觉上不太presentable ，话晒都$35啦⋯⋯不过味道唔差嘅，鲜虾爽甜仲有汁，热辣辣劲脆口即叫即炸，皮唔会太厚，唔错。
小笼包六只$66蚊，唔算太好食，个馅有啲松散，不过里面真系好多汤嘅，但系啲肉又唔算好甜，中规中矩冇乜特别。不过就唔觉得佢值$11一粒
鲍汁凤爪偏咸，如果钟意食重口味嘅你应该会喜欢，但系我觉得只味似系酱汁凤爪多啲，炆得唔够入味，净系啲汁好咸，花生又煮得唔够淋。。
张贴
