影片
更多
2018-11-04
1028 浏览
今日有个外国朋友嚟咗香港，我同几个朋友做一个礼拜就book咗呢间龙面馆同佢食lunch，谂住啲外国人一定钟意食呢啲中国菜！虽然我哋一早book咗枱，但系都要喺门口迫左10几分钟先入到去，咁大间餐厅reception得一个人兼且完全控制唔到啲人流，见到佢做嘢都觉得辛苦终于入到去坐啦，一路行过见到好多人都食紧龙虾面，个样真系好吸引，一坐低仲俾呢包龙虾湿纸巾吸引左添，都未有嘢食已经相机食先呀，我哋正打算点讯嘅时候，发现咗一个大问题，其实我哋坐正喺出菜位，无论我哋点举手点叫都好，每一个侍应行过，就算佢哋明明望到我哋，都冇打算同我地落单，直接行咗去拎菜出去，真系激到好嬲呀，我谂我哋要举高手举左10分钟，先有一个类似经理嘅女人黎帮我地点菜。见到啲卖相咁吸引，我哋当然忍唔住叫到成枱都系啦！上到枱嘅时候真系每个人都拎相机出嚟，因为啲卖相全部都好靓好精致！特别系呢个龙虾泡饭，真系成只龙虾系入面！但系当你摆到入口，真系失望到极点，我嘅形容系，成个汤同金宝字母汤系同一个味道，而朋友嘅形容系，麦当劳个龙虾汤都好味过佢食咗咁多个𩠌都冇一个好味，不过点都唔够呢个蟹粉灌汤饺失望，其实系灌汤饺来讲佢价钱真系好贵，$8
虽然我哋一早book咗枱，但系都要喺门口迫左10几分钟先入到去，咁大间餐厅reception得一个人兼且完全控制唔到啲人流，见到佢做嘢都觉得辛苦
终于入到去坐啦，一路行过见到好多人都食紧龙虾面，个样真系好吸引，一坐低仲俾呢包龙虾湿纸巾吸引左添，都未有嘢食已经相机食先呀，我哋正打算点讯嘅时候，发现咗一个大问题，其实我哋坐正喺出菜位，无论我哋点举手点叫都好，每一个侍应行过，就算佢哋明明望到我哋，都冇打算同我地落单，直接行咗去拎菜出去，真系激到好嬲呀，我谂我哋要举高手举左10分钟，先有一个类似经理嘅女人黎帮我地点菜。
见到啲卖相咁吸引，我哋当然忍唔住叫到成枱都系啦！上到枱嘅时候真系每个人都拎相机出嚟，因为啲卖相全部都好靓好精致！
特别系呢个龙虾泡饭，真系成只龙虾系入面！但系当你摆到入口，真系失望到极点，我嘅形容系，成个汤同金宝字母汤系同一个味道，而朋友嘅形容系，麦当劳个龙虾汤都好味过佢
食咗咁多个𩠌都冇一个好味，不过点都唔够呢个蟹粉灌汤饺失望，其实系灌汤饺来讲佢价钱真系好贵，$89一位，咁嘅价钱我系自然会有期望啦，点知食落去个皮仲硬过叮叮点心啲皮，未试过食一样蟹粉嘅嘢系咁腥，连个汤都系腥架！
除咗上面啲𩠌之外，我哋仲叫咗半只北京填鸭，终于有一样𩠌系冇人弹㗎啦，喺北京填鸭来讲其实味道都可以，佢亦都好细心分咗几种食法，例如块皮系点黄糖食啦，肉系包面粉皮等等，侍应都好细心讲解每一样配菜系乜嘢嚟嘅，咁当然其实佢都唔系话好好食，莫讲话镛记喇，就算比较起北京楼来讲我亦都绝对会拣北京楼嘅，只不过同上面𠮶一炸点心比起上嚟，呢一味𩠌已经系成餐晏最好食㗎啦，而呢半只鸭都要成$300 㗎
我哋最尾埋单系大约$3000，5个人食，中菜来讲味道真系好差好差，呢个价钱真系冇可能比呢个味道客人，除咗系黎影相之外，真系冇其他原因会黎呢间餐厅食未试过系OpenRice比咁差嘅评语，可能因为佢个价钱真系太高，我认为值得需要有更好嘅质素比客人啦
张贴
