甘味讚岐手打烏冬 (已結業)

同男友行行吓街想食个轻食晚餐，见呢度门面光鲜，餐牌吸引，于是入去试试。叫咗碗温泉蛋牛肉赞歧手打乌冬，成碗乌冬份量都算多，又有6，7块牛肉。个汤系木鱼汤底，捞埋个温泉蛋，然后试下个汤先。味道有啲怪，唔似有木鱼味，可能份量太少，而且有阵药材味。从未试过一碗简单嘅乌冬咁靠唔住。乌冬有靭度，有咬口。可惜无味。牛肉都大块，肥牛咁，不过无肥牛咁软腍，好靭食唔落。最后叫咗个紫菜炸尤鱼酥，炸得咸香，脆浆够薄够脆，好送面。不过无紫菜味，纯系点缀用。