甘味讚岐手打烏冬 (已結業)

【 蕃茄湯底夠香濃 】🍜早前去元朗Yoho Mall 行街，到Lunch Time就去睇吓有咩食，點知間間都好多人等位，最後見到係商場角落的「甘味讚岐手打烏冬」比較人少，所以就揀左佢，拎左籌等15分鐘左右就可以入座，入座前要先量體溫。🍅我點了一份午市套餐，有麵豉雞扒蕃茄湯烏冬，湯底轉了木魚湯，雞扒好嫩滑易咬口，另加$9 叫了一塊天婦羅蕃薯，炸得啱啱好，好香脆好好味，仲有杯凍柚子茶，夠大杯，味道不錯。整體上餐飲都ok。

晏晝食完原本諗住搵過第二間點知行晒全場得呢間唔洗點等位！拎飛等一張就到我哋而且個囡喺咁話想再食多餐烏冬小朋友最鍾意食烏冬。今次無餐要單點叫咗個蜜汁豬頸肉烏冬壽司烏冬 仲有冷烏冬唔記得影跟壽司個烏冬普通甜鼓油湯底 唔算細碗！蜜汁豬頸肉無得輸我呢個唔鐘意食肉嘅囡自己都食咗半碟壽司就不過不失冷烏冬麻麻地 下次唔會再叫

午市餐牌唔多選擇勝在唔洗等位個囡要食普通豬骨湯底烏冬就只有照燒雞扒窩呢個選擇好在佢可以少少錢加啲小食我地配咗三文魚壽司同糖心蛋另外老公就試咗蕃茄湯烏冬配煎餃味道唔錯推介佢杯凍柚子蜜 大杯夠凍一大一小飲剛剛好

📎醬燒豬頸肉丼飯豬頸肉口感爽口，表面燒得好香😍帶有少少微脆😋面頭嘅醬汁有啲似燒汁😆略甜📎豬軟骨丼飯豬軟骨煮得好軟，非常入味🥰有啲入口即溶嘅感覺👍🏻某啲部份仲食到有少少膠質嘅感覺🤓撈埋飯一齊食好好送飯📎黑蒜油豬手鍋燒讚岐手打烏冬呢個相對之下就比較失望🥺豬手上面有毛未清乾淨，湯底飲得出有豬骨湯嘅味，但係偏鹹咗少少。值得讚嘅係烏冬好彈牙😙口感亦都好滑，黑蒜油嘅味都好濃整體其實都唔錯🙈有機會會再食

聖誕裝飾陸續登場啦，帶小朋友來yoho mall尋找小丸子裝飾，首先醫肚先。這里大人細路都可以好開心。因為小朋友愛烏冬，大人愛刺身壽司一一有齊。看看吃了什麼👇👇蕃茄湯底太膩，豬軟骨正常水平豬扒外酥內軟，好味道。咖喱汁不辣小朋友都可以吃。刺身好新鮮。價錢適中，座位舒適，帶小朋友是不錯的選擇。

最鍾意嚟甘味食日本嘢，因為泊完車，行幾級樓梯就到！而且平日如果午飯時間，大約一點半之後都唔係幾洗等位！今日lunch set叫咗壽司拼盤拼讚岐手打烏冬，每次兩個小朋友都要食呢一個餐，有八件唔同種類嘅壽司，同埋一大碗烏冬...啱晒細食嘅小朋友share！而我同姐姐就分別嗌左麻辣雞手打烏冬同埋豚肉飯，個麻辣湯對姐姐來講辣咗啲，啲雞比較普通，有少少雪味。而個豚肉飯就不過不失，可能因為啲豚肉厚咗啲，所以有啲韌！不過總體來講，食物質素對得起呢個價錢！

今次山長水遠入左黎元朗，有野做所以是但揀左間餐廳嚟食，第一次食呢間烏冬店！除左食烏冬，仲有其他選擇，例如牛肉飯、刺身丼、鯖魚丼、壽司等等我地係平日lunch既時候去食，裡面大多都係學生，佢地有個午市定食嘅menu，我地兩個都係揀左同一款：麵豉燒雞扒蕃茄湯讚岐手打烏冬，餐仲送一杯免費熱飲👍🏻個烏冬賣相唔錯，蕃茄湯味好濃郁，但係個雞扒就相對麻麻，好一般，無咩味道，唔推薦大家我見到有好多人揀佢地既刺身丼黎食，等我下次試下先，因為價錯真係好親民

晚市 6點半入座。豬軟骨烏冬，湯面油唔太多燒雞扒藩茄烏冬，湯夠濃，雞有牛油香味。晚市呢個價錢真係唔錯。因為時間關係我冇影相都食曬啦。份量剛剛好。個壽c併盤,價錢合理。唔係話太差，可以接受既。坐得都幾舒服。唔會話太迫太嘈吵疫情關係都唔需要等位

烏冬普通，跟超市買的差不多，湯底更差，超市買的鰹魚湯都比佢好，不會再幫親。滑蛋豬扒很普通，可能任何一間小店都做得比佢好，唯一可讚的只有那杯紅豆冰。整體覺得差，仲要招牌手打烏冬，食完除左覺得佢係搞笑同想被人拆招牌。

小編到貴日式烏冬餐廳用膳多次，感受到食物質素一般，品嘗過肥牛、蟹柳和滑蛋豬扒烏冬，及一些丼飯，如温泉蛋牛肉、豬扒等，但始終覺得貴餐廳食品質素比同場其他日式餐廳遜色，故希望能改善食物質素，唯欣賞的是刺身丼飯，味道鮮甜。至於服務方面，貴餐廳職員大多招呼有禮，態度熱誠，尚算積極投入服務，能留意客人需求，而且不時為客人主動添茶水，值得一讚，故希望貴餐廳能持續保持良好的服務態度和質素，滿足客人需求。論環境方面，座位寬敞，尚算舒適，能好好享受一餐。整體來說，如貴餐廳能提升食物質素，本人一定會再光顧，但如果自己一人用膳，在沒有家人和朋友的要求下，也不會再到這裏進餐了，相信商場還有更多很好的選擇。

今日第一次食呢間餐廳，同朋友叫左唔同野食Share,番茄烏冬牛柳粒唔錯👍🏻我鐘意烏冬既口感😋同埋餐廳環境都唔錯，乾淨舒服。同埋野食都好快黎到，唔洗等好耐👍🏻

唔知大家係咪讚岐烏冬嘅粉絲呢？我自己就係啦！個個口感真係無得輸！食過幾次，依間餐廳嘅讚岐烏冬都無令我失望過！如果同朋友一齊去可以點下其他小食！係元朗西鐵站一出就可以到YOHO Mall揾到依間讚岐烏冬店，位置都幾方便！而且店舖都幾大，唔太需要排隊就可以入去醫肚我今次唔係太肚餓，就無點小食，試咗滑蛋蟹籽巨型蟹柳讚岐烏冬！平時滑蛋XX飯就食得多，滑蛋配讚岐烏冬真係第一次！滑蛋配蟹柳對我離講已經好新奇，點知加上讚岐烏冬都好match！個人覺得依個配搭真係好啱配烏冬，如果配飯或者其他麵類可以就無咁正啦！唯一美中不足係湯底偏喊，食到最後啲味俾湯底搶走咗

😵間中都會遇到一些不像樣，令人吃得不開心的食品，浪費了金錢和肚皮的空間🔰薄切肥牛蕃茄湯讚岐手打烏冬$62，整碗食材只有蕃茄湯底👌🏼，但其餘的食材，就讓我逐樣說🤨，而當天的出品1.肥牛的味道和質量一般，除了肉質不是軟嫩，肉也有點異味，像是不太新鮮似的2.幾件蕃茄像是生的，肉眼也可看到不是淋3.兩條蜜糖豆的質感更生總括而言，其實是肥牛還肥牛、蕃茄還蕃茄、蜜糖豆還蜜糖豆，彼此像沒關係的，接到落單，便將食材夾入碗內完事🔰咖喱雞扒飯，這個更糟，所謂雞扒， 就是雞胸，很嚡，吃了三份一最終放棄不吃我倆決定埋單，光顧另一間食店。怪不得有這麼多空位，也從不見有人排隊的食肆

星期日行過yoho，發現在間落有間餐廳，就係甘味讚歧烏冬，見無咩人排隊，所以決定去試下，入到去有空位，好快有人招呼，店員亦友善提醒要手寫落單，而中途我叫二至三次加水都無黑面，招呼覺得ok~但就要加強店員對產品既認知，因為見隔離枱落order，問簡單飲品加錢問題，都唔太了解。好～講食物。。。我叫左吉列豬扒蕃茄湯烏冬、面豉燒雞扒蕃茄烏冬、雞軟骨餃子棒。雞軟骨餃子棒：外皮軟身，有少少芝士味，但食入口又唔覺有落芝士，幾出奇。面豉燒雞扒蕃茄烏冬：面豉乾食落口無咩特別，雞扒燒到可以接受，如果落少少鹽係旁俾人自己決定落唔落就更好，因為食落口，唔係太有味。吉列豬扒蕃茄湯烏冬：就無咩特別，唔係特別乾身，咬落去又唔係有汁出。蕃茄烏冬～就夠味，蕃茄都夠軟，唔會太難咬，烏冬都爽。整體：可返黎幫親再試，因為亦方便大家傾下計，吹下水，星期日真係難搵地方的。

好耐冇食個牛肉飯，見到餐牌封面有牛肉飯無諗甘多即刻叫，叫完醒起依間餐廳叫讚岐手打烏冬專門店，哈哈哈，點解我會叫左飯嫁！ 個蒸蛋好多料所以叫埋試試～牛肉飯足料，仲有紫菜、酸薑。牛肉味道方面，入味，唔太咸唔太淡，甜甜地，幾好。牛肉質感方面，厚左啲，有啲韌。蒸蛋隻匙羹幾可愛喎！蒸蛋有冬菇、嗚門卷、甜蝦、雞肉同蟹柳。隻蝦好爽，但無味；蟹柳有啲甜味；雞肉個樣，唔吸引我食佢；同埋唔知點解，啲蛋用匙羹一舀就碎....