影片
更多
2008-06-21
23 浏览
** 此 食 肆 的 第 三 个 笑 **寻晚(20-6-2008 Fri)睇完妈妈,同爸爸两个食晚饭,爸又话食烧味,唔好喇o挂?行到o黎呢o度,o岩o岩有大大个餐牌写住中式小菜套餐,包白饭同汤,饮品就要加钱,不过冇写价钱,但我觉得o岩我爸爸,因为佢唔须要o野饮,佢睇o左话好啦,入去啦.入到去,只剩门口o个张圆枱,咁多人?侍应叫我o地坐住先,好.我o地谂呀谂,我o地谂到喇,爸爸先问汤系咩汤?侍应答青红萝卜煲猪骨,o系云云众多o既套餐中,佢就决定要$42.00 o既啫啫猪膶排骨煲.当落order时,亚姐同我o地讲有卡位,叫我o地坐去.咁我o地就继续order,我要$38.00 o既烩牛扖意粉,侍应问我要中定西汤?我答中.又问我o地饮唔饮o野?我答唔饮.不一会,爸o既青红萝卜汤到o黎,但侍应畀我,哦?!佢以为汤系我o架?爸爸饮一啖,就话好饮,唔错.咁坚?等好耐,我周围望,原来个餐要等20分钟,我又望到原来佢o地有自制鱼蛋,墨鱼丸等卖,哗!呢啲都争啊?然后,我o既烩牛扖意粉到o黎,都唔细碟,跟o左一碟辣椒酱,意粉有蕃茄伴碟,意粉腍,牛扖薄,唔明点解唔畀刀我,好彩牛扖唔韧.味道都唔错.之后,爸
寻晚(20-6-2008 Fri)睇完妈妈,同爸爸两个食晚饭,爸又话食烧味,唔好喇o挂?行到o黎呢o度,o岩o岩有大大个餐牌写住中式小菜套餐,包白饭同汤,饮品就要加钱,不过冇写价钱,但我觉得o岩我爸爸,因为佢唔须要o野饮,佢睇o左话好啦,入去啦.
入到去,只剩门口o个张圆枱,咁多人?侍应叫我o地坐住先,好.我o地谂呀谂,我o地谂到喇,爸爸先问汤系咩汤?侍应答青红萝卜煲猪骨,o系云云众多o既套餐中,佢就决定要$42.00 o既啫啫猪膶排骨煲.当落order时,亚姐同我o地讲有卡位,叫我o地坐去.咁我o地就继续order,我要$38.00 o既烩牛扖意粉,侍应问我要中定西汤?我答中.又问我o地饮唔饮o野?我答唔饮.
不一会,爸o既青红萝卜汤到o黎,但侍应畀我,哦?!佢以为汤系我o架?爸爸饮一啖,就话好饮,唔错.咁坚?
等好耐,我周围望,原来个餐要等20分钟,我又望到原来佢o地有自制鱼蛋,墨鱼丸等卖,哗!呢啲都争啊?
然后,我o既烩牛扖意粉到o黎,都唔细碟,跟o左一碟辣椒酱,意粉有蕃茄伴碟,意粉腍,牛扖薄,唔明点解唔畀刀我,好彩牛扖唔韧.味道都唔错.
之后,爸爸o既猪膶排骨煲同白饭都到o黎,好香好有镬气,个煲唔大个,但原来都有好多料,爸爸话排骨好多肉,冇乜骨,最后佢系食唔晒,饭都要捞汁至食晒.
我就试吓一件排骨,好入味好腍,不过其实都几咸.
呢餐爸爸都几满意,我谂下次谂唔到食乜,佢会考虑茶餐厅,因为真系可以就晒所有人.
服务:
都唔错,唔会粗声粗气,而且一直有客o黎坐圆枱,一见有卡位就会主动叫人去坐.
环境:
我o地o岩o岩坐o个张卡位有柱,迫啲.
卫生:
o系我开头坐圆枱时,地下滑滑地,我谂要注意吓.
其他:
原来呢o度o野食都几多元化,连泰式越式o既汤河都有.
张贴