影片
更多
2007-05-16
寻晚我同朋友都试o左下面Fabulous Jay介绍o既套餐加一客36蚊石烧苹果无骨鸡翼,我o地各自饮32蚊o既红粉佳人同....哎呀,唔记得咩名o既酒精饮品.我朋友唔饮酒o既,但佢生日兼且被我挑起佢有兴趣试红粉佳人,红粉佳人系有毡酒同士多啤梨制成,但我同佢讲毡酒好难入口,不过佢饮o左话几易入口,OK.我o个杯系蜜瓜,蜜瓜奶同酒调成o既,饮落唔觉有酒味,似饮冻蜜瓜奶,可能啲饮品唔加太多酒o挂.讲返食,大致上同意Fabulous Jay对呢个餐o既评语,不过加少少自己o既意见.1.南越蒸粉卷: 跟酸甜酱上,好味.而手多多,贪新鲜o既我,o系第二件加鱼露食,结果系唔夹o既. 2.鸡丝柚子野菜沙律: 柚子唔太涩,o岩o岩好.不过真系食到个底好咸,而鸡丝好似少o左啲.3.香叶石烧鸡肉: 真系好清,我同我朋友都觉得清得滞冇味,点少少鱼露食就好味啲.(不过我谂餐厅呢个做法几好,可以照顾到唔同人o既口味,因为整咸o左冇得救,淡啲可以自己加味)不过都几大碟.4.牛油忌廉红什菜: 哈,我o地有老人痴呆症,谂极都谂唔返呢个系咩名堂,真系多谢Fabulous Jay咁详细o既食评.亦因为咁,我o地食
讲返食,
大致上同意Fabulous Jay对呢个餐o既评语,不过加少少自己o既意见.
1.南越蒸粉卷:
跟酸甜酱上,好味.而手多多,贪新鲜o既我,o系第二件加鱼露食,结果系唔夹o既.
2.鸡丝柚子野菜沙律:
柚子唔太涩,o岩o岩好.不过真系食到个底好咸,而鸡丝好似少o左啲.
3.香叶石烧鸡肉:
真系好清,我同我朋友都觉得清得滞冇味,点少少鱼露食就好味啲.(不过我谂餐厅呢个做法几好,可以照顾到唔同人o既口味,因为整咸o左冇得救,淡啲可以自己加味)不过都几大碟.
4.牛油忌廉红什菜:
哈,我o地有老人痴呆症,谂极都谂唔返呢个系咩名堂,真系多谢Fabulous Jay咁详细o既食评.亦因为咁,我o地食呢个菜o既时侯都唔知食梗乜,只觉得阵味好熟悉,不过什菜里面有冬菇,觉得同啲汁唔夹,但都可以食o既.
5.榄菜肉松红米饭:
其中一个令我o地叫呢个餐o既原因系,我o地未食过红米饭.
佢o地系用碗上o既,而且系两大碗,真系好满,不过榄菜肉松唔系好多,又系孤寒o左啲.原来红米都系冇咩特别
6.自己另叫o既石烧苹果无骨鸡翼:
因为被个名吸引o左,所以试吓.佢系连一个石炉上,一客3只(心谂:唔该唔好咁孤寒,好心两个人就畀四只啦)每只鸡翼只系有半断中翼至翼尖,因为要酿苹果入去嘛,面洒o左少少应该系七味粉o既o野,幸好只系有少少辣,唔食得辣o既我都接受到.不过,咬落去只揾到一粒大概只有1-1.5cm立方体大o既苹果粒,实在太细少啰.谂返,36蚊一客,即12蚊一只都几贵同唔抵.唯一就系佢热腾腾啰.
服务:
由于我o地好早就入座,才6点45分左右,有好多位,因为天气唔系太热,出出面应该唔会大汗叠细汗,而且朋友话想倾偈,于是我o地拣o左出面坐,开头系坐细细张o既二人枱,当我o地order o左呢个二人套餐后,个waitress就主动帮我o地转张大啲三人枱,因为个餐有好多o野(唔知佢o地系咪有上呢个网睇啲食客有咩饭后感而作出改善呢?)
环境:
转枱时,行到o个张枱咁o岩被我见到有只上手留下o既鸡翼尖o系地下,呢点就有啲大煞风景啰.不过我o地坐呢张枱都觉得舒服,原来出面有吊扇,而且有啲微风,所以觉得环境都唔错o既.
而离开时见到里面o既位应该都几阔落,唔系太迫咁.
呢餐饭连加一系$272.80,可能系贵o左少少,不过都可以接受o既.
总括o黎讲,呢o度各样o野都OK o既.
PS:原来我o地寻日同啲鸡有仇,食o左全鸡宴. ^.^"
张贴