影片
更多
2016-01-10
414 浏览
阿妹生日大晒，佢话想食靓靓窝夫兼叹杯靓tea，我地响佢既心水名单中，千挑万选拣左呢间Cafe Charm's。餐牌有好多选择，但我地双眼只聚焦响两个部分：小食、甜品，哈哈哈，女仔都系觉得呢D最吸引呀！阿妹点左杯热烤榛子朱古力($39)，黎到真系「哗」一声，三只熊仔好可爱呀！杯边既碎粉并唔系糖，而系饼碎，好特别。杯榛子朱古力有姿势又有实际，味道香浓幼滑，阿妹话一级棒！白酒煮蚬($86)，餐厅用既系沙白，除左酒香，仲落左罗勒，好香，蚬肉细细只够嫰滑，唔错。牛油蒜香炒野菌($56)，材料唔少，有鸡脾菇、新鲜冬菇、本菇、磨菇，炒得够滑够咸香，好味。啤酒炸鱼薯条($92)，有五大件，啱啱一人一件。炸鱼浆粉够脆，唔会死实，入面既鱼块好滑兼有酒香，点埋我最爱既沙律酱食，坚正斗。焗芝士洋葱烟肉薯皮($52)，芝士、洋葱、烟肉本身味道就好夹，薯皮焗得脆，仲有少少薯蓉响入面，整体好香口，不过其中一块薯皮焗㶶左，好可惜呀！小食仲未完架，再黎美式香脆鸡翼($76)，外层炸得香脆，入面仲系保持嫰滑，最完美既鸡翼状态！点埋甜酸酱，美味！跟住主角黎勒，花样迷人窝夫($78)，真系无改错名，窝夫既形状就好似一朵盛开既
餐牌有好多选择，但我地双眼只聚焦响两个部分：小食、甜品，哈哈哈，女仔都系觉得呢D最吸引呀！
阿妹点左杯热烤榛子朱古力($39)，黎到真系「哗」一声，三只熊仔好可爱呀！杯边既碎粉并唔系糖，而系饼碎，好特别。杯榛子朱古力有姿势又有实际，味道香浓幼滑，阿妹话一级棒！
白酒煮蚬($86)，餐厅用既系沙白，除左酒香，仲落左罗勒，好香，蚬肉细细只够嫰滑，唔错。
牛油蒜香炒野菌($56)，材料唔少，有鸡脾菇、新鲜冬菇、本菇、磨菇，炒得够滑够咸香，好味。
啤酒炸鱼薯条($92)，有五大件，啱啱一人一件。炸鱼浆粉够脆，唔会死实，入面既鱼块好滑兼有酒香，点埋我最爱既沙律酱食，坚正斗。
焗芝士洋葱烟肉薯皮($52)，芝士、洋葱、烟肉本身味道就好夹，薯皮焗得脆，仲有少少薯蓉响入面，整体好香口，不过其中一块薯皮焗㶶左，好可惜呀！
小食仲未完架，再黎美式香脆鸡翼($76)，外层炸得香脆，入面仲系保持嫰滑，最完美既鸡翼状态！点埋甜酸酱，美味！
跟住主角黎勒，花样迷人窝夫($78)，真系无改错名，窝夫既形状就好似一朵盛开既鲜花咁，可以每块「花瓣」搣出黎食。窝夫外面香脆，入面软绵，有蛋香，上面既材料亦丰富：两球雪糕(士多啤梨同朱古力)、鲜忌廉、香蕉、士多啤梨，同窝夫好夹。
另一个主角系焦糖香蕉雪糕窝夫($78)，香蕉面层有脆糖，咬落去卜卜声，香甜；今次呢个系云呢拿雪糕，雪糕入面有云呢拿籽，香滑。我地五姊妹票选，「花样迷人窝夫」同「焦糖香蕉雪糕窝夫」既得分分别系三比二，票数非常接近！其实两个都好味，只系大家口味唔同啫。
张贴
