泰國人海南雞 (弼街) (已結業)

今次忍唔住要写一写食评，早几日晏昼同男朋友入左去食，事关佢想食海南鸡饭咁企出面望见到爆爆到，经理问我地几位，然后就叫我地等一阵，之后就叫我地入最尾张圆枱坐，搭上搭，本身圆枱已有两枱人搭紧枱，唔紧要，中午系多人啲嘅，行到埋去，得一张椅，我就企系隔黎等阵，等waiter 拎多张椅比我地，点知佢系咁话 咪拎左比你地啰，本人视力正常，见到系得一张椅，之后男朋友自己系隔黎枱拎张椅过黎之后拣野食，男朋友叫左个海南鸡饭，我就见到有冬荫公汤底既面，我最钟意就系食冬荫公，即刻拣好，跟餐冻奶茶，冻柠茶各一等左阵啲野食黎到，个海南鸡饭我净系试左啲鸡，好滑，跟左个sauce, 都几好味，之后心谂咁我个冬荫公面都唔会差得去边，终于到左，饮左啖汤，完全地失望，识饮冬荫公嘅都知唔系咁嘅味，只能说是一个带酸带辣嘅汤底。冻柠茶，我谂大部分人都饮过，都冇咩餐厅会冲冷柠茶冲到失手，但哩杯冷柠茶真心令我失望，茶味冇乜，柠檬可能唔靓，冇味，只能说是一杯外貌冻柠茶，实质系杯冻糖水用餐时，见到经理不断闹员工，难怪嘅，我用餐嘅30分钟内已经觉得佢地唔知自己做紧乜哩，好乱咁总括黎讲，海南鸡饭系值得食。