餃子屋

营业中

休息中

终于有机会黎出名大粒好食既饺子屋，当日系平日夜晚6点已经座无虚席咁滞，得番两张细枱。叫左三式煎饺（$60），由落单到上菜等左30分钟。煎饺有几只煎到㶶哂，近乎炸好油腻。紫菜煎饺个肉馅色水好深、系酱油/调味落得太重手𠮶只味，唔好食。香辣个味好普通。得芝士煎饺味道ok，个肉馅个味道相对正常，肉同芝士比例落得刚刚好，食到芝士半溶唔错。菜脯都系好普通既味道，而个老火汤系几浓。整体味道一般，服务质素都唔得，店员就咁企喺度，见到客都唔会招呼入座，想落单都等左一阵，另外一路食都听到有人怨出错单。