法國雪山咖啡 (已搬遷) 新店位置

阿妈生日，见到甜品碟几靓就带阿妈黎食， 点知......第一道洋葱汤同南瓜汤平平无奇、冇乜味， 阿妈都弹左几句， 不过特别在有兜芝士碎加落去...餐牌选择少， 想叫个青口做前菜但店员话冇， 话要一早订㖞， 咁就拣左香草牛油焗田螺啦， 但摆到埋咀都闻唔到香味,  阿妈又出声话麻麻啦...主菜叫左澳洲乳羊、焗酥皮牛柳同鹅肝伴牛柳， 个羊冇羊味， 牛冇牛味， 得块鹅肝叫好食D！ 阿妈已经黑哂口面， 话喺元朗咁嘅价钱俾D咁嘅质素， 仲限时食一个半钟， 已经非常不满...之后甜品叫左个焗蛋同杏仁酥都几靓， 咁我事前已经讲左阿妈生日， 想佢地画个生日蛋糕， 咁店员望到我地想揾人影合照都冇主动开口话帮我地影， 要我直接叫佢佢先帮， 仲要影唔到个甜品碟画嘅蛋糕， 我地自拍仲好过...好彩甜品味道都OK， 阿妈终于有赞啦！ 拣餐饮时， 店员话咖啡最正， 但我地惊瞓唔著所以冇试。总括黎讲， 食物系得个卖相吸引， 只有甜品尚可， 环境又冇窗冇景冇情调， 同埋食个过程都几急， 未食完就想收碟， 好似催客食快D咁， 因为八点半就已经有下一轮...