露面手工拌麵料理

露面呢个名好型，真系同朋友相聚，露一露面嘅好地方。🔶 嫩鸡白布汤阔面鸡肉份量好多，仲有少许小唐菜配搭。返个面本身，超薄超阔，雪雪声咁食，非常过瘾。白汤鲜甜，醇厚可口，令人一饮再饮。🔶 牛骨饺子面套餐呢个套餐牛骨饺子汤面，有4只韭菜饺，仲包甜品！甜品可以拣西施炖蛋或者椰汁咋渣。牛骨饺子汤面，一上台就系浓浓嘅牛味，都有几嚿牛骨，但肉嘅比例都唔少，牛尾同萝卜都好淋好入味，配搭面线非常清爽。韭菜饺饺皮弹牙，韭菜香味引人入胜，馅料饱满。西施炖蛋，可以拣冻或者热，滑得嚟又唔太甜，好香蛋味。🔶 玉蟹云吞皇（5粒）玉蟹云吞皇皮薄馅靓，蟹膏蟹子蟹肉混合，入口爆汁。🔶 野生松茸鲜鸡汤野生松茸鲜鸡汤，清甜又滋补，松茸入口香浓，正！🔶 香茅香水柠檬茶柠檬茶带有淡淡香茅味道，味道清香，饮起黎唔会苦涩。