貴緣小鍋米線 (崇潔街) (已結業)

最近一直忙碌，稍为得闲啲就想去食碗米线。附近连锁店嘅米线有时实在令人有啲奄闷，所以都系去远少少，过嚟土瓜湾呢边食碗真材实料嘅米线吧！我哋土瓜湾站D出口出，一路沿住大马路行，去到启岸𠮶边过两个街口就系崇洁街，里面呢档食返碗人气高质米线。我哋用手机落单，两碗三𩠌米线，食到饱饱，好满足！帮衬得街坊小店，就唔系嚟食装修，虽然店面残旧，但嘢食好味搭救。我点咗猪大肠，猪软骨和猪红。猪软骨的软骨部分炆得超稔而且好入味。老公钟意食素，佢就拣咗螺旋藻，冬菇皇和萝卜。冬菇皇超级厚肉又入味，好食！另外，两款小食蒜泥白肉肉和蒜香酱油单骨鸡翼令人欲罢不能，属必点小食！