美心皇宮 (已結業)

难得一日放假，老妈子约饮茶，屋企附近冇乜嘢茶楼，又唔想行去太埔，就只有呢间啦…本来呢间酒楼假期一定多人，仲要加埋国庆日班自由行，落到去已经门口逼到爆…谂住攞咗飞先行阵街好快有位，点知我地行完街返到嚟仲要等，前后要等成粒钟先有得座…呢间酒楼有个特式就系佢仲保留点心车，依家除咗上环莲香之外都冇乜地方揾到。点心车有好有唔好啦，唔好在佢人多果时啲小朋友好易撞亲，但系佢好在有点心出时你可以拣过笼靓先要，名乎其实既点心﹗。味道方面就一般啦，虾饺、豆苗饺啲饺皮太黏口，其他都系大集团标准味道，冇大惊喜…最离谱就系佢个排骨饭，大细同酒楼既蚊型饭碗一样大，食咗等于冇食过﹗