大榮華圍村菜 (已結業)

星期六日，通常都会同屋企人搭车去远少少食午餐。之前晏左去元朗大荣华饮唔到茶，今次即管去九龙湾试试。搭车时碌碌openrice，见到点心纸，心入面已经睇中几款点心，可惜去到发现部分已经转左款，好似鸭脚扎、腊肠卷都冇左，有少少失望。不过第一次食到几款怀旧点心，都算嚟得物有所值。首先上台的系鸡球大包。真系要拍埋个茶杯影相，先比较到佢有几大！份！入面填左好多鸡肉馅，食一碟真系会饱左大半。另一款比较满意的，系同样咁有怀旧feel的猪膶烧卖。猪膶质感够粉，底下猪肉同虾肉都唔死实，味道不错；另外同平时食的烧卖有一个分别，就系佢唔会用黄色烧卖皮包住啲肉馅，真系要阿妈讲到先知传统系咁。另外都试左煎酿青椒，三片填满鱼肉，份量颇足。潮州粉果外皮太厚，同时厚皮唔代表包得好，有一个上台时已经爆开。当归猪脚不错，有清淡的当归味道。