影片
更多
2017-06-11
1288 浏览
其实认识呢个品牌已经系几年前既事，记得第一次食系尖沙咀诺士佛台分店，当时叫左限定紫薯口味。见住佢即时整真系觉得好神奇><Liquid Nitrogen原来真系可以整到野食出黎!(可能我文科女出身,唔好见怪)成个雪糕紫到出，不久都觉得紫薯味真系超级强烈！食晒之后仲有少少胃痛添，跟住就断断续续食过几次,无咩特别留意佢！直至最近，佢地社交平台搞送礼活动。咦好似几咁鬼马㖞，奖品系一个火锅-----而且仲要系绵花糖火锅😉听落都兴奋。Lab Made好似仲未正式卖呢只产品，但中奖者可以有一个免费绵花糖火锅，俾我咁好彩抽！中！左！等我率先同大家试食啦。我起初以为份量好细。点知净绵花糖已经满满一大个纸碗，视觉上有无比震撼！之后反差好大既就系个的的式式既火炉仔，唔会太熬够晒安全。再黎系一碟用黎点绵花糖既配料，真系相当精致：有朱古力同杏仁包住既雪糕球、新鲜生果﹝士多啤梨同蓝莓﹞、饼干两块、朱古力酱同柠檬酱。不过我好「论尽」、转枱果阵唔小心将朱古力酱同柠檬酱整跌左，无得食啦….职员喺你食之前会同你细心讲解边样要食先同埋点样食，不过我都系无理佢想食咩就食咩先。士多啤梨同蓝莓份量都足够既、够两个
其实认识呢个品牌已经系几年前既事，记得第一次食系尖沙咀诺士佛台分店，当时叫左限定紫薯口味。见住佢即时整真系觉得好神奇><Liquid Nitrogen原来真系可以整到野食出黎!(可能我文科女出身,唔好见怪)成个雪糕紫到出，不久都觉得紫薯味真系超级强烈！食晒之后仲有少少胃痛添，跟住就断断续续食过几次,无咩特别留意佢！
直至最近，佢地社交平台搞送礼活动。咦好似几咁鬼马㖞，奖品系一个火锅-----而且仲要系绵花糖火锅😉听落都兴奋。Lab Made好似仲未正式卖呢只产品，但中奖者可以有一个免费绵花糖火锅，俾我咁好彩抽！中！左！等我率先同大家试食啦。
我起初以为份量好细。点知净绵花糖已经满满一大个纸碗，视觉上有无比震撼！之后反差好大既就系个的的式式既火炉仔，唔会太熬够晒安全。
再黎系一碟用黎点绵花糖既配料，真系相当精致：有朱古力同杏仁包住既雪糕球、新鲜生果﹝士多啤梨同蓝莓﹞、饼干两块、朱古力酱同柠檬酱。不过我好「论尽」、转枱果阵唔小心将朱古力酱同柠檬酱整跌左，无得食啦….
职员喺你食之前会同你细心讲解边样要食先同埋点样食，不过我都系无理佢想食咩就食咩先。士多啤梨同蓝莓份量都足够既、够两个人食，亦都新鲜无酸味。点左绵花糖之后比较难烧焦，因为水份较重。
我比较欣赏个饼干，因为沾左绵花糖之后烧一烧就劲香焦糖味，卖相好吸引。摆落口饼干仲系好脆，同烧到淋晒既绵花糖非常之夹，正。
反而麻麻地个脆皮雪糕，第一， 个皮湿湿地太硬，烧极都未食得又怕佢溶。第二，入面雪糕个味道唔吸引，我无食错就应该似系杏仁咖啡/朱古力之类，食落口好强杏仁味，但唔知点解咸咸地…..可能系绵花糖太甜，而一味只见啡色雪糕但又食唔出味，所以食左一半就放弃左。计我话应该用唔会比绵花糖抢味既雪糕，例如比较酸既菠罗、柚子、柠檬等等。
食到一半d绵花糖原来真系会杰晒，但系我同朋友都尽左力啦食唔落，真系唔好睇少佢咁的式，如果唔大食起码够三个人食。
同场加映仲有海盐焦糖味雪糕，比起当初我食果阵真系进步左唔少！盐味同糖味各占一半，配合得好好。最欣赏系餐牌上列左每只雪糕都列明左有无明胶或者麸质，非常细心。下次再有新味都好想eat下><!
23 浏览
0 赞好
0 留言
张贴
