影片
更多
2020-07-03
1768 浏览
是日单车郊游日，同班老死由大埔踩到入罗湖，朝早10:30am出发，迤住踩，踩到4:00pm返到嚟大埔。之前一文就介绍过「鸿淘士多‧罗太豆花」嘅豆浆、豆花放题，当喺是日轻怡午餐。既然完晒今日行程，就当然要食份下午茶餐补补体力。由地胆带路，穿天桥过到嚟运头塘商场，嚟到「膳坊」，初时睇个名以为喺中餐馆，原来都喺茶记，哈哈！虽然疫情缓和咗好多，但餐厅就连半点防疫都无乜点搞，唔使量体温就直入餐厅，除卡位加高背板，其他位就完全无咩阻隔，幸而地方阔落，客人又唔算多，而我哋就专登揾咗角落嘅一张圆枱仔，自成一角。嚟下午茶，目标就只有下午茶餐，底面两版，共有33款，以下午餐而言，都算选择多。本来，又想试菠萝油，试试跟之前几间茶记嘅菠萝油作比较，不过，咁北区都卖到30蚊，感觉有啲唔划算，就试咗沙嗲牛肉包。基本餐具放晒晌枱面，方便就方便，但家下嘅环境，就唔喺咁卫生，遇着撞啱有隐形带菌者嚟帮衬，唔爆都几难，真喺贯彻佢哋对疫情嘅迤爆态度。招牌沙嗲牛肉包 $32有次晌大围嘅「新城快餐厅 」都食过茶记式嘅沙嗲牛肉包，之前都讲过吓，除奶茶之外，沙嗲牛肉亦喺茶记嘅另一名物。而「膳坊」嘅沙嗲牛肉包采用热狗包，更加大份，睇外
虽然疫情缓和咗好多，但餐厅就连半点防疫都无乜点搞，唔使量体温就直入餐厅，除卡位加高背板，其他位就完全无咩阻隔，幸而地方阔落，客人又唔算多，而我哋就专登揾咗角落嘅一张圆枱仔，自成一角。
嚟下午茶，目标就只有下午茶餐，底面两版，共有33款，以下午餐而言，都算选择多。本来，又想试菠萝油，试试跟之前几间茶记嘅菠萝油作比较，不过，咁北区都卖到30蚊，感觉有啲唔划算，就试咗沙嗲牛肉包。
基本餐具放晒晌枱面，方便就方便，但家下嘅环境，就唔喺咁卫生，遇着撞啱有隐形带菌者嚟帮衬，唔爆都几难，真喺贯彻佢哋对疫情嘅迤爆态度。
招牌沙嗲牛肉包 $32有次晌大围嘅「新城快餐厅 」都食过茶记式嘅沙嗲牛肉包，之前都讲过吓，除奶茶之外，沙嗲牛肉亦喺茶记嘅另一名物。而「膳坊」嘅沙嗲牛肉包采用热狗包，更加大份，睇外观就见放满晒沙嗲牛肉，绝无欺场。入口个包肯定烘过嚟，热辣辣，而牛肉腍滑，汁底惹味。同上次嘅都有同一问题，就喺汁酱太多，泻到一手都哋汁。
招牌沙嗲牛肉包
40 浏览
0 赞好
0 留言
而杯奶茶都唔差㖞，茶底醇香之余，口感都算幼滑，饮落芳香馥郁。所以，经常都话，晌茶记拣奶茶，真喺衰极都有个谱。
炸鸡脾薯条 $38之前嘅几篇下午茶食评都喺净写自己食𠮶份，但今次就特别写埋其中一位死佬𠮶份，皆因佢劲投诉只炸鸡脾㶶到黑碳咁，仲要上枱时专登反转嚟掩饰。佢话只脾虽然大大只，但又㶶、又干，绝对唔合格啦。
单以小弟今日嘅选择，餐厅嘅出品确喺有水准，不过，其中一位死佬就投诉佢只炸鸡脾唔掂，所以，食嘢都讲际遇架，哈哈！不过咁讲，炸㶶咗都照上俾个客，就见服务质素可以好到点！本来我都可以俾个好评佢，但只脾就拉低晒总分，希望炸㶶脾喺个别事件啦，而服务上再优化吓，做到从善如流，不断改善。
张贴
