影片
更多
2019-07-25
179 浏览
已经食过好多次，由生客变熟客，亦唔系第一次写食评，但点解我会继续为鮨文打食评呢?原因系我实在好欣赏佢地对制作食物嘅认真同创意，同埋佢地嘅热情招待，佢地贴心嘅程度，真系唔系好多间系香港嘅餐厅能及嘅，所以就算积蓄唔多，我都坚持最少一个月帮衬一次我讲过我胃口系非常恐布嘅，今日自己一条友食左两个餐，十件餐+海胆丼餐，今次都系由震师傅为我主理，唔好讲甘多，开波!茶碗蒸:食左甘多次都keep到水准先送上两款刺身，火炙油甘鱼:火炙过之后好香口，而且够肥美，系千X或板X都食唔到嘅味道，原本有两件，心急食左一件牡丹虾配乌鱼子粉:鮨文嘅牡丹虾从来冇令我失望过，够新鲜且肥美，而且入口软念，有浆口嘅感觉，今次配上乌鱼子粉，鱼子嘅咸鲜配上牡丹虾，令我唔舍得食，呢只虾我分左十次先食哂跟住到寿司同佐酒小食:1)䲞鱼寿司:清新嘅开始2)关池鱼寿司，3)深海池鱼寿司:前者较嫩滑，重鱼味，后者较油香4)鳕鱼干:好开胃，口感似威化饼，但充满浓浓嘅雪鱼味，一流5)帆立贝寿司:新鲜唔多讲6)脑天寿司，吞拿鱼近头顶位置嘅两旧肉，吞拿鱼最珍贵嘅部分，珍贵在就算条鱼有100kg以上，脑天部分都只系可以整到十四件寿司，震师傅将一部份火
我讲过我胃口系非常恐布嘅，今日自己一条友食左两个餐，十件餐+海胆丼餐，今次都系由震师傅为我主理，唔好讲甘多，开波!
茶碗蒸:食左甘多次都keep到水准
先送上两款刺身，
火炙油甘鱼:火炙过之后好香口，而且够肥美，系千X或板X都食唔到嘅味道，原本有两件，心急食左一件
牡丹虾配乌鱼子粉:鮨文嘅牡丹虾从来冇令我失望过，够新鲜且肥美，而且入口软念，有浆口嘅感觉，今次配上乌鱼子粉，鱼子嘅咸鲜配上牡丹虾，令我唔舍得食，呢只虾我分左十次先食哂
跟住到寿司同佐酒小食:
1)䲞鱼寿司:清新嘅开始
2)关池鱼寿司，3)深海池鱼寿司:前者较嫩滑，重鱼味，后者较油香
4)鳕鱼干:好开胃，口感似威化饼，但充满浓浓嘅雪鱼味，一流
5)帆立贝寿司:新鲜唔多讲
6)脑天寿司，吞拿鱼近头顶位置嘅两旧肉，吞拿鱼最珍贵嘅部分，珍贵在就算条鱼有100kg以上，脑天部分都只系可以整到十四件寿司，震师傅将一部份火灸，而一部分保持生嘅状态，既可以充分带出油香，亦保留到脑天嘅口感，我就系好欣赏鮨文制作食物时有甘嘅心思
7)甜虾寿司:同一般甜虾简直系天与地，因为佢系带浆口，而且虾味浓旭，口感丰富，震师傅话比我知系因为冇急冻过先做到甘，拍手掌
8)小肌鱼寿司:酸香且鱼味浓旭
海胆丼:
重头戏来了，睇住震师傅慷慨地将一条条海胆肉放上饭上，未食已经拍手掌喇，中间深色D嘅系马粪赤海胆，味道偏浓旭，较甘香，而浅色D嘅系白海胆，一听到已经好开心，因为唔系成日有得食，佢不得了，食完一条，已经停唔到口，呢只海胆冇马粪甘浓，但系入口非常清甜，首先系偏甜嘅海胆味，然后系淡淡嘅甘香，最后系after taste嘅海水味，完全系几何级食物嘅代表，再加上以sake浸过嘅三文鱼子，sake嘅甘甜中和左三文鱼子嘅咸味，配海胆一齐食，简直系忘不了，虽然偏细碗，但食落其实好饱，佢应该改名叫忘不了丼，因为食完真系忘不了
爱女鱼寿司:经过啱啱嘅忘不了丼，用来清新一下味蕾，加了点蜜椒调味，好清爽
白栗米:生食栗米真系第一次，好甜呀
鱼汤
吞拿手卷:呢个真系体验到鮨文对食物制作嘅心机，以吞拿骨边肉配上拖罗鱼鲛果条根，将条根火灸，然后再配上骨边肉卷埋一齐，最重要系将火灸左嘅鱼油唔浪费，将佢倒翻入D饭度，令饭啦吸收鱼油，呢个亦系我欣赏鮨文嘅原因，就系将食材物尽其用不浪费，因为我深知世界上好多人都冇得食，所以我外出食饭从来唔浪费，鮨文呢个哲学好好，同我嘅价值观一样，所以真系值得欣赏
甜品
虽然埋单接近一千，但真系抵嘅，唔好同我讲甘嘅价钱点解唔食放题或者自助餐呢D废话，因为鮨文不嬲系以质素取胜，冇架喇，已经上左瘾，一个月唔食一次都唔舒服
张贴
