牛奶冰室 (形點 II)

营业中

休息中

一路都系只系睇食评，今次真系忍唔住要写一个负评。见到之前已经有好几个负面report, 我可以肯定系真嘅。今次到我要分享吓下午茶嘅杨州炒饭，星期一3:45嘅下午茶时间，已经唔可以话多人㗎啦，点咗餐20分钟要催先到，嚟到𠮶碟嘢系微暖嘅，冇所谓，我冇乜要求照食。简单啲总括一下，系冇味嘅，唔知点解要用火腿同埋红萝卜粒去炒，你会见到啲火腿系㶶嘅，叉烧唔系粒系有几条叉烧丝，人哋杨州炒饭会有啲虾仁仔，佢系将一粒虾仁分开四粒咁样，加埋都应该有两粒虾仁，又唔明白点解好好地一碟杨州炒饭要用珍珠米去炒。真系冇心机讲，因为真系唔识形容有几差。冇谂过自己食完五日之后都会仲激气紧，难听啲讲真系好似比狗食咁，我食咗一半都要放弃。一间餐厅可以咁尊重自己嘅出品，仲要开咁多分店，又唔做好管理，简直系不知所谓。