影片
更多
2021-10-17
1242 浏览
员工之间冇沟通，超级混乱！早几日已经一早book咗今晚6:00（食第一轮晚上6:00-8:00，即8:00前要交枱）4位。因为打电话去订位嘅时候，问定佢地有冇阿拉斯加长脚蟹，职员话有好多只，hold定一只比我，仲话可以自己去鱼缸拣添！一心谂住妈妈生日，可以氹下妈妈开心！所以5:55已经入坐，差唔多系酒楼头几张枱嘅客。侍应话可以走去鱼缸拣长脚蟹，初初话叫我地就甘去鱼缺边，同同事讲几多号枱就得。点知后来我同爸爸去都爸爸去到鱼缺位，又话要带枱卡，我又行返去拿。我爸爸一直企系鱼缸边等、之后有几个客走过黎鱼缺边企喺我哋隔离，但好搞笑，洒家个员工一直系鱼缺度捉左三只长脚蟹，各放落三个桶就走咗去。完全冇理会我哋！我唯有问收银职员（收银柜台正正对住鱼缺）系咪喺度等？收银员工话「会叫同事出黎，企系度等得架啦！」当等左阵个职员真系返来，但佢冇问排队次序，比三个客打左我地尖，遇到啲几个打尖嘅无品客，心情当然唔开心，虽然我亦尝试同其中一个客讲「我哋嚟先」但系个亚叔扮晒嘢，话自己第一个来到，完全系讲大话，员工当然唔会理，我哋亦唔想同人争、已经哑忍！成个安排真系好失当！最后𠮶几个打尖客拣完一只又唔啱，又要拣过，来
早几日已经一早book咗今晚6:00（食第一轮晚上6:00-8:00，即8:00前要交枱）4位。因为打电话去订位嘅时候，问定佢地有冇阿拉斯加长脚蟹，职员话有好多只，hold定一只比我，仲话可以自己去鱼缸拣添！一心谂住妈妈生日，可以氹下妈妈开心！
所以5:55已经入坐，差唔多系酒楼头几张枱嘅客。侍应话可以走去鱼缸拣长脚蟹，初初话叫我地就甘去鱼缺边，同同事讲几多号枱就得。点知后来我同爸爸去都爸爸去到鱼缺位，又话要带枱卡，我又行返去拿。
我爸爸一直企系鱼缸边等、之后有几个客走过黎鱼缺边企喺我哋隔离，但好搞笑，洒家个员工一直系鱼缺度捉左三只长脚蟹，各放落三个桶就走咗去。完全冇理会我哋！
我唯有问收银职员（收银柜台正正对住鱼缺）系咪喺度等？收银员工话「会叫同事出黎，企系度等得架啦！」当等左阵个职员真系返来，但佢冇问排队次序，比三个客打左我地尖，遇到啲几个打尖嘅无品客，心情当然唔开心，虽然我亦尝试同其中一个客讲「我哋嚟先」但系个亚叔扮晒嘢，话自己第一个来到，完全系讲大话，员工当然唔会理，我哋亦唔想同人争、已经哑忍！成个安排真系好失当！
最后𠮶几个打尖客拣完一只又唔啱，又要拣过，来来去去，起码搞咗15分钟。最后我哋唔使3分钟，拣左只6斤6嘅长脚蟹后，谂住希望一切顺利吧！
点知…我哋已经食晒之前叫嘅𩠌，冇嘢食，只系等只蟹出埸…….一直见住隔离同后面枱迟过我哋入坐、当然后过我哋拣蟹（又系叫长脚蟹），重要食完走埋。我哋追咗几次，职员话我哋只蟹好大只，个炉唔够位，叫我哋等多15分钟，一定有！
之后我地眼见陆陆续续嘅长脚蟹喺传菜车推出来，喺我哋身边经过，一直期望系我哋㗎啦挂，但系每次都系失望而回！唔讲笑，起码近十只长脚蟹、冇一只系我哋嘅！
期间，我哋发现侧边枱有两枱客都投诉紧，一枱系打边炉，佢哋个炉一直唔work, 员工知道后，又冇咗件事，冇帮佢哋跟进。佢哋等咗超过半个钟，食物已经喺晒枱面，但系冇得打边炉！
另一台，又系叫咗嘅嘢好耐未嚟，客人问员工攞酱汁，员工答冇呢个酱汁。之后听到客人话，上次来食咪就系有呢个酱。
因为一直冇嘢食，四个人呆等又八卦完其他枱嘅投诉之后，职员之前说好15分钟嘅蟹完全冇动静，已经20几分钟啦，心谂， 已经7:30 ，只蟹又唔知几时先来，8:00点样可以交枱呢？追又追过，嬲又嬲过，我哋唯有放弃，决定埋单走人！其实我哋叫左个南瓜菜煲，如果佢哋有心留客人，应该先出咗厘个𩠌等我哋食住等。
母亲大人嘅生日饭食到一肚气！而且酒楼啲藉口话只蟹太大，实在系太funny. 中间因为一直等等等太无聊所以我哋又留意到，有个男经理，完全系唔做嘢，好卸膊𠮶啲！有两个女职员，做到上气唔接下气！
呢间野，一定冇下次！！！上个月爸妈试过来饮茶，等咗45分钟先至有第二碟点心到，中间追果经理又话冇漏单，之后再追又话系漏咗单！谂住俾多次机会佢哋，试吓晚餐会唔会好啲，点知都系衰咗！
张贴