五道手抓餅專門店 (已結業)

呢啲垃圾铺头简直系浪费紧珍贵嘅粮食同社会资源。系熊猫叫外卖，得两杯饮品都可以送漏一杯，另一杯所谓嘅黑糖珍珠鲜奶就系一杯奶水加几粒唔知放左几耐，硬过石春嘅珍珠。拣左个自选手抓饼，求其放块隔夜汉堡，丢几块蘑菇落去，拣左芝士酱但送到嚟汁都无滴，话呢啲叫垃圾食物都侮辱左垃圾。仲有，最令人O咀嘅系送卖员送嚟𠮶阵时系就咁徒手揸住杯嘢饮，一手拎住个饼，我打开门𠮶下以为个外卖系外卖员自己买嘢返屋企食，换言之系零包装，个外卖员仲同我讲唔小心打泻咗啲，主要原因系因为呢间垃圾站连比个袋去袋住啲嘢都无。几十岁人都未试过d咁差嘅铺头，洗左成旧水就系买左一杯奶水同一旧干争争嘅饼。你执咗佢咪阻住地球转，返乡下耕田咪出嚟呃饮呃食啦！