蝦棧 (已搬遷) 新店位置

由细到大都好钟意食虾，唔少朋友仔都知道。所以今次个朋友就带咗我去太子一间以虾为主题的餐厅。睇嚟系年轻人开的小店，门面都几有特色。一推门就会见到有个大鱼缸，里边系清一色的虾、虾、虾！座位都几新净企理，一坐低店员亦马上奉上紫薯酥作前菜。原来佢哋系以虾作干锅，干锅口味有成十几款，目不暇给。朋友仔话最好食系奶油虾同埋咸蛋虾，但我就想试吓新野，拣咗避风塘虾。虾锅一上枱吓亲我哋，原来系成个煲汤煲咁大，唔好以为系煲仔菜𠮶种煲仔。八只大虾整齐排列，全部都都均匀地沾上酱料，一入口好惹味。再咬落去，就是虾的鲜味，大头虾仲有唔少虾膏添！一场黎到食台湾菜，少不免卤肉饭同青菜。两样小菜的份量都唔细。醉鸡卷都几有惊喜，唔知点解佢哋可以做到无骨的效果，啖啖肉令人好满足。醉鸡的酒味够香够浓，鸡髀亦有鸡味，唯一不足系质感稍为硬左少少。最后亦有一个精彩环节，就系我最钟意的番薯雪糕。番薯雪糕味浓，好似成只番薯食入口咁，总唔会令我失望。估唔到呢间小店都有得食。我亦试咗一款新味道，就系南瓜雪糕。南瓜雪糕的size惊人，努力左15分钟都唔能够完成，建议揾多个朋友仔分享。