影片
更多
2018-04-13
165 浏览
去了欧洲旅行两个星期，我最挂住既除咗阿妈煲既老火汤，另一样就系日本料理。所以朋友约我食日本嘢既时候，我自然毫不犹疑就冲啦！ 心鉄板烧位于尖沙咀亚士厘道楼上铺，唔熟尖沙咀既人可能要花D时间揾揾。不过系亚士厘道揾紧既时候可以留意下大厦贴出黎既灯箱，心铁板烧既招牌都有贴出黎。呢度唔算好大，有两个Open kitchen既位置，再加上个落地玻璃窗，一边睇住厨师烹饪一边睇住夜景都系一种享受嚟。Menu有单点亦都有套餐，由于选择好多，我都唔逐样逐样讲，影出个Menu大家可以睇下有咩食。我同朋友就点咗个铁板烧特选二人套餐，已经涵盖咗前菜到甜品等。前菜包括海胆冻豆腐、蟹肉枝豆薯蓉同煮穴子沙律。豆腐淡而清香，同浓味既海胆甚为搭配；薯蓉香滑松软，食到丝丝蟹肉； 沙律就好开胃，酸酸咪咪都好新鲜。汤我就拣咗龙虾汤，睇唔睇到好大旧龙虾肉？ 橙红色既汤上有两道cream作为点缀，搅拌均匀后饮一口，冇其他西餐厅既龙虾汤咁咸，淡淡地更显示出龙虾鲜味。 到热食方面，师傅喺我地将食材煎熟，丝毫不马虎，声效同视觉效果都满足到。面前呢份西班牙红虾配红虾啫喱，红虾就唔算非常大只，但虾身通红，望住就觉得新鲜。食落口唔简单，清甜
呢度唔算好大，有两个Open kitchen既位置，再加上个落地玻璃窗，一边睇住厨师烹饪一边睇住夜景都系一种享受嚟。
Menu有单点亦都有套餐，由于选择好多，我都唔逐样逐样讲，影出个Menu大家可以睇下有咩食。
我同朋友就点咗个铁板烧特选二人套餐，已经涵盖咗前菜到甜品等。
前菜包括海胆冻豆腐、蟹肉枝豆薯蓉同煮穴子沙律。豆腐淡而清香，同浓味既海胆甚为搭配；
薯蓉香滑松软，食到丝丝蟹肉； 
沙律就好开胃，酸酸咪咪都好新鲜。
汤我就拣咗龙虾汤，睇唔睇到好大旧龙虾肉？ 橙红色既汤上有两道cream作为点缀，搅拌均匀后饮一口，冇其他西餐厅既龙虾汤咁咸，淡淡地更显示出龙虾鲜味。
到热食方面，师傅喺我地将食材煎熟，丝毫不马虎，声效同视觉效果都满足到。面前呢份西班牙红虾配红虾啫喱，红虾就唔算非常大只，但虾身通红，望住就觉得新鲜。食落口唔简单，清甜而爽口，搭配以虾膏煎煮出黎既虾汁特别鲜美。红虾啫哩够晒特别，晶莹剔透而口感有少少似猪皮冻，但当然冇猪皮冻咁油腻。
活北寄贝配芝士牛油汁，除了北寄贝刺身，我食过最好味既北寄贝就系呢度铁板烧呢只啦！虽然以烧制方式烹调，但鲜甜味媲美刺身，更甚的是丰富的汁液，北寄贝不仅大而且厚肉，大大块连住芝士都唔会特别腻。
鹅肝配黑醋汁，鹅肝都系现煎架！❤️鹅肝咸香绵嫩，多士香脆可口，蘸一D黑醋汁，有效地中和咗鹅肝既油腻感。
神户黑豚薄烧和厚烧，同样系豚肉，原来两种唔同既厚度就可以制作出不同既品尝口味。薄烧中间包住泡菜，泡菜既辛辣酸味同豚肉产生化学作用，令猪肉食起身唔会肥；而厚烧竟然是做出了好似肉眼牛扒的口感，又腍又松，可惜略为肥腻，但搭配配菜柚子酸萝卜亦岩岩好。
季节野菜同高菜文昌鱼炒饭都系即炒架！炒饭粒粒分明，高菜微微酸味令到炒饭更加可口。饭里入面更收埋一条条文昌鱼，鲜香美味。
到甜品环节啦，有红豆汤年糕配雪糕，两种极端口感既甜品搭配在一起又唔错Wor！年糕外皮稍微硬咗D，但唔影响味道；雪糕则是豆腐口味的，口感比较扎实，豆腐味好浓。
呢餐算上加一要大概2000零蚊，算系中高酒店价位，不过食物质素同埋服务都冇得弹，加埋个靓靓景观，都几值得 。
张贴
