影片
更多
2016-08-21
1629 浏览
呢餐饭已经系5月尾嘅时候食嘅，而家补打食评再忆述当时饭后嘅感受，失望之感又涌上心头。当晚约咗朋友喺荷里活广场睇戏，因为睇九点几所以都有好充裕嘅时间食个丰富晚餐。行咗一轮喺大家都无乜主意嘅时候就选择咗呢间餐厅，因为觉得上海菜系稳阵之选。我谂因为时间尚早所以唔使等位，店员同我哋讲餐厅限时两小时，问我哋有无问题，时间好充裕当然无问题啦！我哋被安排嘅中间二人座位真系好逼，同隔离枱只系相隔约10厘米嘅距离，有少少似被左右围攻咁，哈哈！坐得唔系太舒服。每人可以选择唔同嘅茶包，我俩都拣普洱。每张枱上面都有一碟餐前小吃，我哋系香口嘅炸鸡软骨。见到隔离枱系麻辣青瓜。对于我呢个上海菜迷离讲，每次食上海菜 醉鸡、小笼包一定唔少得。本来想点迷你小笼包嘅，不过落单时店员话已经卖晒 装满汤汁嘅小笼包卖相几吸引，上枱够热，忍唔住好快夹咗一个食！不过觉得几失望，肉质好"鞋"，而汤汁亦无鲜甜嘅味道。第二个失望，我俩同时表示失望鸡肉肉质感觉唔新鲜，好散，同时亦好淡无味，整体感觉鸡同花雕酒系分离咗。喺我心目中嘅花雕醉鸡好味之处系鸡肉吸收晒花雕嘅酒香，而花雕亦吸收咗鸡嘅肉香，一啖鸡肉加少少酒 入口就系天衣无缝嘅配搭。好可惜呢
当晚约咗朋友喺荷里活广场睇戏，因为睇九点几所以都有好充裕嘅时间食个丰富晚餐。行咗一轮喺大家都无乜主意嘅时候就选择咗呢间餐厅，因为觉得上海菜系稳阵之选。
我谂因为时间尚早所以唔使等位，店员同我哋讲餐厅限时两小时，问我哋有无问题，时间好充裕当然无问题啦！
我哋被安排嘅中间二人座位真系好逼，同隔离枱只系相隔约10厘米嘅距离，有少少似被左右围攻咁，哈哈！坐得唔系太舒服。
每人可以选择唔同嘅茶包，我俩都拣普洱。
每张枱上面都有一碟餐前小吃，我哋系香口嘅炸鸡软骨。见到隔离枱系麻辣青瓜。对于我呢个上海菜迷离讲，每次食上海菜 醉鸡、小笼包一定唔少得。
本来想点迷你小笼包嘅，不过落单时店员话已经卖晒 装满汤汁嘅小笼包卖相几吸引，上枱够热，忍唔住好快夹咗一个食！不过觉得几失望，肉质好"鞋"，而汤汁亦无鲜甜嘅味道。
第二个失望，我俩同时表示失望鸡肉肉质感觉唔新鲜，好散，同时亦好淡无味，整体感觉鸡同花雕酒系分离咗。喺我心目中嘅花雕醉鸡好味之处系鸡肉吸收晒花雕嘅酒香，而花雕亦吸收咗鸡嘅肉香，一啖鸡肉加少少酒 入口就系天衣无缝嘅配搭。好可惜呢碟醉鸡无带比我呢种感觉。
第三个失望。面条煮得过熟啦，好"淋"！个酸辣汤，材料系好多，但系只有少少辣同好咸嘅味道，完全食唔到有酸味。
整餐饭味道最正常菜式之一。 份量虽然好少，但上枱嘅时候居然因为咁而有少少庆幸，因为失望太多。就图所见，有烤麸、花生、冬菇同两块冬笋片。烤麸好硬，但整体味道正常。
味道正常菜式之二。虽然成个菜味道偏淡，不过紫心蕃薯好甜，苋菜嫩。第一间比负评嘅餐厅 我俩都表示好失望，味道唔好但价钱却偏高。离开嘅时候有好多人等位，我内心不解，或者可能系我哋点嘅菜式都太普通？可能其他较特别嘅菜式先好味？
各花入各眼，点都好啦，只此一试，下不为例。
张贴
