鴻星中菜 (瑞安中心) (已結業)

一心要为妈咪补吃生日饭，谂住揾D既经济、又有D鲍参翅肚嘅晚饭套餐，见倒鸿星有个《原只鲍鱼．鸡炖翅》全包套餐，4位只系$680，加多位都系加$160，仲免收加一茶芥，见佢湾仔分店嘅评分都系好评居多，于是去试下，点知嬲到爆，忍唔住要登记做会员去写佢....1. 首先，果个《原盅鸡炖翅》，D鸡汤味道系唔错，D翅亦一梳梳咁好似好足料，但系食落「谐煞煞」到冇人有，仲要冇味，一D鸡汤味都入唔倒，我地全家都忍唔住边食边弹..2. 跟住果个《葱蒜大虾》，D所谓大虾细只到无伦，仲要好「均真」咁一人都系得一只，连D配菜豆干都系一人得一块，咸到飞起之余，同D葱炒埋乱糟糟就求其上碟，我即刻觉得自己好似去左电影「精装追女仔」入面食果D刻薄旅行团餐....3. 《清蒸南非鲍鱼》都预左佢细细只，味道不过不失啦；但《元贝津白》又系咸到爆4. 《芝麻黄油鸡》斩到细细件，加埋都唔知有冇半只，鸡系几腍身，但肉就又薄又奀，不知几咁「矜贵」5. 之前几道菜食左好似冇食，所以对《油浸干烧伊面》同《稀lel lel红豆沙》我一早都冇期望，但求有D野顶下肚算喇，真系阴公...6. 最后反而系个《金沙麻沙糍》算系全个餐最好味嘅，都系糯