影片
更多
2022-09-06
110 浏览
几年前喺观塘返工，饮过 Coffee Slave 嘅咖啡，印象颇深；早前知道荃湾开咗分店，顶左 Beans 以前个位，于是趁入荃湾时顺道嚟朝圣一下。以前 Beans 「在生」时，呢度好墟冚，估唔到而家颇为冷清，晚饭时间居然直入唔使等位😐。点好菜，先嚟餐汤，系久违了嘅杂菜汤，Cafe 嚟讲比较少见，味道正常。主菜拣咗啡奴自家制龙虾汁带子意大利饭同红酒牛面肉炖什菜配包条，前者面头铺咗食用花，卖相几靓，饭粒虽然唔算饱满有啲碎湿湿，不过龙虾汁味道都几出，整体唔错；后者味道近似炆牛肋条，肉质够软腍，酱汁入面有蘑菇，薯粒同甘笋，其中甘笋味最突出，可惜面包条少咗啲，好快就食哂😹。套餐加 $25 配杯抹茶牛奶，size 比想像中细，只有茶楼茶杯咁上下大🥺，不过质素系好嘅，抹茶味够浓，奶亦打得厚身幼滑。
以前 Beans 「在生」时，呢度好墟冚，估唔到而家颇为冷清，晚饭时间居然直入唔使等位😐。点好菜，先嚟餐汤，系久违了嘅杂菜汤，Cafe 嚟讲比较少见，味道正常。
主菜拣咗啡奴自家制龙虾汁带子意大利饭同红酒牛面肉炖什菜配包条，前者面头铺咗食用花，卖相几靓，饭粒虽然唔算饱满有啲碎湿湿，不过龙虾汁味道都几出，整体唔错；后者味道近似炆牛肋条，肉质够软腍，酱汁入面有蘑菇，薯粒同甘笋，其中甘笋味最突出，可惜面包条少咗啲，好快就食哂😹。
套餐加 $25 配杯抹茶牛奶，size 比想像中细，只有茶楼茶杯咁上下大🥺，不过质素系好嘅，抹茶味够浓，奶亦打得厚身幼滑。
张贴
