影片
更多
2013-12-20
4495 浏览
XO仔同表妹儿时与大姨妈大姨丈同住，感情非常深厚，佢地可以话系「睇住我地大，睇住我地乖」 ！姨妈姨丈早年移居美国，大家见面机会少咗，难得近日访港，我地两老表就特意请佢地饮茶，一尽地主之谊之余，亦希望值此机会答谢一吓佢地多年来o既关爱及照顾 。为表诚意，饮茶地点当然系长辈话事啦，结果姨妈拣咗一间小肥都冇去咗成十几年o既翠亨邨，等大家一边聚旧，一边怀旧！多年来屹立不倒o既翠亨邨位于中环核心地段，公共交通工具无一不到，方便得很。咁多年冇黎，感觉翠亨邨o既装修及格调冇乜话好大改变，地方依旧光猛企理，高雅卫生舒适。服务方面，姐姐仔都算做得唔错，不过经理Raymond哥哥就更加周到，不但讲解母公司美丽华所提供o既不同餐饮优惠，亦有迎合食客不同口味而推介精选美食，又亲自换茶上菜，招呼做到足 。大姨妈系家中o既大家姐，亦系当日午餐之主宾，所以叫𩠌啲咁重要o既任务我地就交托咗比佢。佢同三姨妈商讨过后，结果叫咗几款点心、烧味、小食大家分黎食： 脆皮烧腩仔（$128）：半肥瘦o既烧腩仔外表层次分明，外皮香脆，肉质松化，我地六个人，五分钟都唔洗就清哂成碟𩠌 ，真系唔讲得笑！ 黑松露素粉果（$39）
多年来屹立不倒o既翠亨邨位于中环核心地段，公共交通工具无一不到，方便得很。咁多年冇黎，感觉翠亨邨o既装修及格调冇乜话好大改变，地方依旧光猛企理，高雅卫生舒适。服务方面，姐姐仔都算做得唔错，不过经理Raymond哥哥就更加周到，不但讲解母公司美丽华所提供o既不同餐饮优惠，亦有迎合食客不同口味而推介精选美食，又亲自换茶上菜，招呼做到足 。大姨妈系家中o既大家姐，亦系当日午餐之主宾，所以叫𩠌啲咁重要o既任务我地就交托咗比佢。佢同三姨妈商讨过后，结果叫咗几款点心、烧味、小食大家分黎食：
脆皮烧腩仔（$128）：半肥瘦o既烧腩仔外表层次分明，外皮香脆，肉质松化，我地六个人，五分钟都唔洗就清哂成碟𩠌 ，真系唔讲得笑！
黑松露素粉果（$39）：早一个礼拜，姨妈食完第一次已经极力推介此道点心！黑松露素粉果胀卜卜，皮薄馅多，松露香为素菜加以点缀，犹如画龙点睛，清甜爽脆，小肥极为欣赏 ！
瑶柱菜苗饺（$42）：菜苗饺内有只虾，清得黎都几爽口，唔错。
蜜汁叉烧（$128）：XO仔好怕食瘦叉，最惊佢又嚡又干！翠亨邨碟叉烧虽然冇肥层，但肉质绝不嚡口，咬落非常松软，又够肉汁，食完先知原来瘦叉都可以咁好味 ！
金砖豆腐（$68）：豆腐够嫩，可惜个皮就唔系好够脆，味道亦唔多够浓，建议师傅由大件o既金砖豆腐改造较细o既豆腐粒，皮层o既脆度会易掌握啲，一口一件，又会易入口啲。
卤水鸭舌（$88）：鸭舌超脆，而且好入味，一个字讲哂：「正」！
翠亨邨靓一鸡（$198/半只）：三姨妈介绍话依味「靓一鸡」系翠亨邨o既招牌𩠌，就算只系黎饮茶都必定要叫半只黎试！靓鸡原来系手斯鸡，冇骨啖啖肉，鸡肉香滑幼嫩，大小双肥like爆，必吃推介也 ！
皮蛋莞荽斑骨汤米（$138/锅）：鱼汤香浓足料，一啲腥味都冇，米线滑溜，比起食炒粉面健康得多。
金粟南瓜露（免费赠送）：暖暖o既南瓜露唔系好甜，只系唔多够滑；妈咪提及到此乃免费赠送，要求唔应该太高。
蜂蜜蛋散（$42）：蛋散炸得够干身，蜜糖份量又唔会过火，整体香甜薄脆，大姨妈食得最高兴！
其他收费：茗茶：$15/位
手拉白肠粉（$45）
XO酱炒肠粉（$68）
蒜泥拍青瓜（$68）
喺中环有三十几年历史o既翠亨邨地点方便就脚，而且比起其他老字号o既中菜厅亦较为优雅舒适卫生，经理服务好，毫无架子，事事亲力亲为，友善好客，我地一行六人都觉得好受欢迎 ！食物当中以黑松露素粉果及烧味最为美味出众，埋单每位约$200，小肥其实觉得都几贵，不过最紧要主角大姨妈大姨丈食得开心，个荷包先冇咁肉痛 。
张贴
