Cannubi Enoteca Cucina

营业中

休息中

今晚去试下K11 Musea间新开意大利菜。意大利菜不嬲系我西餐中嘅大爱，Rosewood间Bluhouse更系我最近一年嘅饭堂之一。既然今晚试新嘢，于是一行四人，三大一细谂住开开心心去试新嘢。坐低点左两个Set Dinner，拣左佢地招牌菜红虾Linguine，加600蚊转个羊肩，再另外加个Cold Cut同Burrata。头盘无惊喜都算喇，最大镬嘅系个红虾Linguine居然系腥嘅！！大佬，你招牌菜黎㖞，只虾腥嘅你都攞出来俾客食嘅？！另外一份pasta系鸡脾菇宽面，唔系我话衰佢㗎，呢个名系佢个waiter点菜嘅时候讲嘅。等左20分钟之后份羊肩上台，一出黎全熟嘅！我心谂PK啦呢镬！好彩都算淋，目测应该系低温慢煮之后再入焗炉，点知又焗得唔够香，嘥时间嘥心机！但系最大镬嘅都系d服务，咁样收费嘅「高级餐厅」，由个captain/经理到个waiter都一直处于嘻笑玩乐状态，只要唔系落紧单，就开始自己倾计。甚至两个同事大声咁话「果个男人要Brandy，条女要whisky」，就算果个客唔识听广东话，你当其他人都唔识㗎。大佬呀，「高级餐厅」黎㗎，识唔识咩叫service呀？！1000蚊per he