影片
更多
2018-06-06
85 浏览
鉄板烧属于日本料理既一种， 以一块大铁板将食物加热，由厨师喺铁板上处理同烤煮唔同既食物。鉄板烧一般用上较高级同新鲜既食材，好多时不同鉄板烧店铺既海鲜选择上都会有龙虾/鲍鱼/大虾等，而肉类通常亦有日本和牛/日本豚肉等选择。部份人觉得鉄板烧系好贵所以就唔去食，但个人认为鉄板烧既价钱，除左部分去左租金度之外，当然就系可以品尝到较高质素既食材，同埋呢个价钱亦包括近距离欣赏厨师烹制食物过程，甚至同厨师交流饮食心得。出外用膳，除左欣赏食物既材料，有时候亦可以系享受整个用餐体验。讲番正题，尖沙咀Ashley Road 亚士厘道近日以至近一年都新开左唔少新食店，尤其系一啲新大厦内有好多楼上既食店，主打日本料理。上次食过大厦其他食店既 omakase 厨师发办后，留意到呢间［心鉄板烧］，所以今次同朋友夹定时间订枱嚟试下呢间鉄板烧。心鉄板烧有两个鉄板枱角落，唔会坐得太迫，平均每枱6个人围住铁板。餐厅内系望到些少海景，但当然呢度既卖点唔系景观，而系厨师对食物既处理和烤煮。当晚两位厨师都系女厨师，更加细心呢。餐厅夜晚主要分两个时段，大约就系6:30以及8:30，建议大家想食就要预先订位。夜晚除左可以单点之外，
讲番正题，尖沙咀Ashley Road 亚士厘道近日以至近一年都新开左唔少新食店，尤其系一啲新大厦内有好多楼上既食店，主打日本料理。上次食过大厦其他食店既 omakase 厨师发办后，留意到呢间［心鉄板烧］，所以今次同朋友夹定时间订枱嚟试下呢间鉄板烧。
心鉄板烧有两个鉄板枱角落，唔会坐得太迫，平均每枱6个人围住铁板。餐厅内系望到些少海景，但当然呢度既卖点唔系景观，而系厨师对食物既处理和烤煮。当晚两位厨师都系女厨师，更加细心呢。
餐厅夜晚主要分两个时段，大约就系6:30以及8:30，建议大家想食就要预先订位。夜晚除左可以单点之外，更可选择一人套餐同二人套餐，各有特色，今次讲一讲呢款 $880既 一人套餐先。一人套餐包括有以下食物：前菜有海胆冻豆腐，蟹肉枝豆薯蓉同煮穴子沙律。
海胆冻豆腐
海胆质感几 creamy，豆腐滑得嚟亦都几重豆香。
蟹肉枝豆薯蓉
蟹肉融入左喺薯蓉，而薯蓉既质感都颇为软滑。
煮穴子沙律
穴子属于鳗鱼类，肉质松软，配上沙律同酱汁同吃。
龙虾汤
食完三款前菜之后就拣汤，松露蘑菇汤 /龙虾汤/花胶鸡汤，3拣1。我就拣左龙虾汤，味道颇为香浓。
翡翠鲍鱼配柚子醋汁
见到食店内养殖住鲍鱼，当有客人叫既时候就新鲜咁去烹煮。鲍鱼好大只，质感爽口之外亦都非常弹牙，不能错过。
比目鱼配波菜汁
好多人都惊食鱼，因为除左怕腥之外，就系怕不同既食店会煮到啲鱼变得干同嚡。不过，喺心鉄板烧完全可以你令放低不必要既惊恐，因为呢度既比目鱼经过轻轻一煎，外皮系香脆之外，鱼既肉质系非常嫩滑。
味煮韩国螺
螺嚟自韩国，质感爽口弹牙。
神户黑豚肉
豚肉来自日本神户，可以选择厚烧或薄烧，朋友要薄烧，我就要左厚烧，然后大家分享一齐食。厚烧豚肉带油香，肉质松软，但个人更爱薄烧豚肉，薄烧豚肉包住韩国泡菜，咬落味道浓郁之外亦都爽脆多汁。
美国西冷
美国西冷同样可以拣厚烧同薄烧，我同朋友都系一个叫厚烧一个叫薄烧，然后互相分享。厚烧西冷牛既质感结实得嚟不失松软，同样带著脂香，而薄烧既西冷牛就较为滑身同爽口，各有各特色。
高菜文昌鱼炒饭
炒饭炒得到粒粒分明，干身得嚟唔会太湿，文昌鱼起提鲜作用，配番只蛋，饱肚程度刚刚好。
红豆汤年糕配意式雪糕
年糕浸喺红豆汤内，质感带点烟韧。雪糕当晚可以拣盐味，柚子味等，旁边既图案我见每个客人都唔同，我呢只系羊仔，几得意。
整体嚟讲，份量绝对对得住价钱，呢间鉄板烧店食材质素同配搭都几好，厨师喺时间同生熟度上亦都处理得唔错，平均一个人唔使$1000就食到质素唔错既鉄板烧，我同朋友都好满意。
如果大家以前喺其他地方食过铁板烧但觉得麻麻地，或者可以嚟呢度重新感受。而若果你未食过鉄板烧，不妨嚟呢一间试下，从［心］感受。
张贴
