馬拉媽媽 (已結業)

星期六同同事放工后来呢度食饭。本来每个礼拜六老细都会请我地食架，但系今次适逢佢有o野忙，所以走先，剩返空住肚的我地四出找好o野食。调查员呢几日喉咙有d唔舒服，就想到去生记食粥。但去到的时候成点几，见到咁多人走唯有走去另一家。行下行下，见到之前有同事介绍过的一个食喇沙的「喇沙妈妈」——呢个系佢俾呢间马拉妈妈的暱称。正当我地一行四人响出面徘徊的时候，一个应该系老板娘的人出来介绍佢地有乜乜好食，有喇沙﹑干捞面同埋传统怡保河粉……我地见佢落力介绍就入左去试下喇~入面唔算大，普通长方台，坐低后我要了个干捞面，同事要了喇沙~之后老板娘又醒左我地一人一杯薏米水，甜甜地几好饮!个喇沙我同我同事都话够味，又唔系太辣（虽然我都几食得辣），绝对值得一试。最后去埋佢个洗手间，里面好得意，分两格，一格马桶一格尿兜，但系每次都系俾同一个人用，所以入到去几得锁好门﹗里面有齐出热风的干手机，镜同埋扭的水龙头，整体都干净，虽然佢洗手间个天花板比较矮。出来的时候老板俾左张纸巾我抹手，真系估佢唔到~令人印象最难忘的都系老板同老板娘的亲切款待（如两位并非老板，请见谅）