影片
更多
2013-10-22
326 浏览
之前已从食友口中听过对华御结嘅赞赏，咩叫「御结」，咪就喺饭团啰！平时甚少食饭团，就算食日本菜亦只喺好偶尔先点份烧饭团试试，对饭团嘅认识好皮毛，难得佢搞个试食会，更有创办人西田宗先生亲身解说，变得唔喺单单一个试食会，更喺一个文化学习，认识饭团嘅分享会，令小弟对「御结」更感到与别不同，点止一旧饭咁简单！讲饭团之前，不得不讲讲少少华御结嘅背景，希望唔好介意我卖少少广告，听完西田先生一席话，实喺好钦佩佢对日本米嘅热诚同耐心。原来西田先生晌读书年代跟米农好稔熟，一心想推广日本稻米，将真正嘅日本米文化传扬到其他国家，三年前就凭藉依股热诚只身嚟香港创业，并开始以日本传统家庭料理嘅爱心饭团「御结」作为主线，成立「华御结」。而且，他认为香港人分辨到靓米，深信：「香港人对食物有要求，唯独提供真正日本美食及好客之道，方能够满足顾客需要。」其实饭团又喺咩嚟呢？将煮好嘅饭加入喜爱食材，以双手用心握制而成，两手相连如人与人心相连，依个咪就喺「御结」嘅意义嘞。西田先生引入日本新潟越光米，直接由农场提供白米，以标签为各农场标记，确保清楚了解来源及生产过程，时刻掌握大米嘅状况，再送抵香港先至进行精米处理（去壳工序），米
讲饭团之前，不得不讲讲少少华御结嘅背景，希望唔好介意我卖少少广告，听完西田先生一席话，实喺好钦佩佢对日本米嘅热诚同耐心。原来西田先生晌读书年代跟米农好稔熟，一心想推广日本稻米，将真正嘅日本米文化传扬到其他国家，三年前就凭藉依股热诚只身嚟香港创业，并开始以日本传统家庭料理嘅爱心饭团「御结」作为主线，成立「华御结」。而且，他认为香港人分辨到靓米，深信：「香港人对食物有要求，唯独提供真正日本美食及好客之道，方能够满足顾客需要。」
其实饭团又喺咩嚟呢？将煮好嘅饭加入喜爱食材，以双手用心握制而成，两手相连如人与人心相连，依个咪就喺「御结」嘅意义嘞。西田先生引入日本新潟越光米，直接由农场提供白米，以标签为各农场标记，确保清楚了解来源及生产过程，时刻掌握大米嘅状况，再送抵香港先至进行精米处理（去壳工序），米粒就可以保持最新鲜度，听佢介绍，晌佢哋眼中，米粒喺有生命嘅，需要晌摄氏15度嘅恒温米仓储存，依个喺最适合储存米粒嘅温度，使其进入冬眠状态，减少呼吸从而减慢氧化过程，依个正正喺「御结」品质维持晌高水平嘅秘密。而且，「华御结」自设工场，坚持即日制造，每日早、午、晚分三转由工场运送到各分店，西田先生打趣咁讲，返工第一件事就喺试饭，晏昼又试，晚上再试，一年可能食咗2,000个御结。所有产品无添加、营养均衡，又绝不留过夜，确保顾客所买到嘅喺最新鲜；仲有就喺配合日本厚生劳动省所倡导嘅「1日30种类食材的健康饮食生活指南」，所以每款口味同配搭均由营养师细心计算，列明卡路里数值（对要控制体重嘅人士，窝心嘅温馨提示），配合埋沙律、汤水及其他产品，为都市人建立一个健康饮食习惯。此外，为使客人有新鲜感，花年多时间开发逾50种「御结」，每星期轮流提供当中嘅20多款口味，又根据季节而设计不同嘅菜单。
睇睇佢啲单张，饭团以外（分白米饭系列及调味饭系列），仲有自家制靓汤、健康沙律（$28）、和风单品料理（大：$28，细：$13）、寿司、刺身丼、日式甜品及饮品。题外话，西田先生话调味饭系列即喺混合饭，起初用紫菜包嘅御结唔喺咁合港人口味，算为配合港人喜好，可以话喺佢自创，晌日本无依类御结。佢仲话，日本人本身嘅御结会就咁放晌度，喺香港人较喜欢热食，先设置微波炉供翻热。
此外，仲有几款「营养均衡」套餐，3款套餐A（$39）、B（$49）、C（$59）都以1客自家制靓汤加2个御结为基本，价钱贵啲就自然多啲嘢！
是晚随我哋任意挑选御结试食，又安排一啲靓汤及和风单品料理。虽然无影相，但𠮶个和风豆乳骨胶原鸡丸汤真喺几掂，以鸡骨熬个汤底，加入豆乳，色泽浓白，几鲜甜，几浓郁，手打新鲜鸡肉丸亦都唔错，所有汤品都分有细（$18 / 12安士）、中（$25 / 15安士）、大份量（$32 / 18安士）。其他试过嘅产品，都同大家分享一下。和风蕃茄豚肉咖喱御结 $15
唔好睇小个饭团，原来都几坠手，而包装经过特吃设计，跟住底下指示就可轻易撕开包装袋，并用返个包装袋夹住旧饭团食，方便卫生。外层嘅紫菜好脆口，咔嚓应声裂开，而饭粒果然饱满软熟，少少黏绵，好食。而主材料蕃茄加咖喱猪肉，配搭几特别，甜甜哋嘅咖喱中有点清新，猪肉松软。
骏河湾特产樱花虾御结 $15、海鲜XO酱御结 $15试过白米饭系列，又试试调味饭系列喺点，一试就两个。前者调味唔强，为要突出番樱花虾，饭团内布满唔少樱花虾，几有口感，但因为无紫菜包住，饭粒食起嚟会稍易散开，幸好用包装袋袋住食，都唔喺咩问题；不过，小弟反而较喜欢后者，因为以海鲜XO来调味，食嚟既惹味，又鲜香，仲有点点火腿丝。
自家制八爪鱼海草沙律 $13虽然佢叫沙律，但唔喺放晌沙律类，而喺细嘅和风单品料理类。盒底喺爽脆嘅海草及清甜嘅青瓜，淋上酸香嘅日式醋汁，健康开胃；而三数片八爪鱼切得大大块，糁少少白芝麻，烟韧有咬口。
鹿儿岛鱼饼 $13另一款细嘅和风单品料理，外貌有啲似泰式虾饼，但改以鱼肉做，鱼饼入口弹牙，不过唔算好突出，唯配上培煎芝兼麻酱汁，有啲提味嘅效果！除以上两款，细单品料理仲有和风煮茄子、筑前煮（杂菜煮鸡肉）、冷枝豆……等等。
和风照烧鸡扒 $28属于大嘅和风单品料理，鸡扒大件并煎得金香，淋上传统风味照烧汁，份外惹味，加上鸡扒嫩滑多汁，伴上粟米粒，加个饭团，足够当一餐。此外，大单品料理不时轮流出场，计有牛肉豆腐寿喜烧、自家制豆腐鸡肉汉堡、鸡翼味噌烧、盐烧鲭鱼、大筑前煮……等具特色嘅选择。
食咗唔少饭团落肚，甜品就等有机会再试！其实，佢哋都有唔少甜品选择！
以后应该唔会话人「一旧饭」嘞，因为一旧饭团咁大有学问，背后亦咁多故事，真喺让小弟学嘢唔少，亦对「御结」有另一番体会。好衷心希望西田先生继续努力，让更多人可以以大众化价钱品尝到这种日本傅统家庭料理，令「御结」唔单喺一种食物，更喺使人「两手相连，人心相近」嘅文化！
题外话/补充资料：
http://h-musubi.com/
(以上食记乃用户个人意见 , 并不代表OpenRice之观点。)
张贴
